Niti Aayog Health Index liata Mizoram State 1-na

Kô 2015-2016 tawhta 2017-2018 chhôhta India râh State nata UT-zy ta Hnatlâna (Health) kyh liata hmahsiena raihria pha chaipa, Niti Aayog ta âchupasiana ahneipa liata, Mizoram cha State chyhpa hryta hnatlâna kyh liata raihria pha chaipa châpa ta, State laipa hryta Kerela cha sâkhana châ ta, Andhra Pradesh nata Maharashtra-zy ta pazi ei ta; Uttar Pradesh nata Bihar State-zy cha State laipa hryta hnatlâna kyh liata â hnai chaipa sâno ama châ.

He hawhta Niti Aayog ta hnatlâna kyh liata State nata UT zy hmahsiena âchupasiana he 3-lâta pachhaihpa ta – State laipa, State chyhpa nata UT –zy tahpa ta pachhaihpa ta, State chyhpa hryta kô 2017-2018 chhôhta Niti Aayog Health Index liata sâkhana cha Mizoram a châ.

State laipa hryta Kerala sâkhana a châ nota, Uttar Pradesh, Bihar nata Odisha zy cha â hnai chaipa ama châ.

                                                                                                

He ‘Health Index’ ei 2-na he kô 2015-2016 tawhta kô 2017-2018 chhôhta State nata UT nano nanopazy ta ama State nata UT nochâchyu liata hnatlâna kyh liata hmahsiena ama hneina dâh tawhta achupasiapa a châ.

State chyhpa (Smaller States) hryta sâkhana Mizoram kyhtotie liata â sâh patlua ta; Tripura nata Manipur-zy ta sânona nata sâthôhna châpa ta Mizoram he ama pazi hra. He hawhta a châ nota, Sikkim nata Arunachal Pradesh zy cha he Health Index liana heta athata ama tla pahnai.

UT hry liata Chandigarh cha a pôhpalôhpa liata sâkhana châ ta, Dadra and Nagar Haveli cha kyh nano nanopa liata hmahlana siekhei pha chaipa ama châ hra.