Bihar : Patupakhi achhuahtuhpazy amâ vaw dyuhpaliepa vâta ama sâ ama ngyupa

Bihar liata hmo a tlôpa rarô-y kawpa liata, chanô pano, nô nata sawzy cha patupakhi awpa achhuahtuhpazy amâ vaw dyuhpaliepa vâta, chapawnah ta ama kholeina chôta he chanô panopazy he ama sâ ama ngyupa.

Image source : ANI

 He chanô panopazy chôta he hawhta hmo a taotuhpa chapaw hry heta sawhkhâ chyhsa pakha a hlao hrapa ta, âmo sahlao heta nô nata a sawchanô zy cha ama O liata patupa ta, patupakhi a chhuah ei ta, henah nôsaw heta athata amâ vaw dyuhpaliepa vâta ama sâ ngyupa ei ta, ama luh ama ngyu khai tawhta khihliah ama chahryhkheipâ.

Police zy chata he hmo a tlôpa liata a hlaohlipa chyhsa hropa 5 chhao tlua haipa ama châ, ama ta.

Henah nôsawzy ta thâtihthiehpa lapakhytuhpazy ama chhona dâhta, "Athata miah pazei ei ta. Eima pôhpa zydua tah thei awpa liata hmah eima phaoh khai ha," a ta.

Henah nôsawzy heta ama sâ cha ama khih zawpi hmiakô liata ama ngyupa, ama ta.