Dawhty hnohta ei hiahrihna

Hiahrihna : Chanô kô 23-pa châ na ta, ei pôhpa su nano nanopa liana heta ‘ringworm’ hluh kaw ta, patha tyh ta, riethei â chhih ngaita kaw. Ei hmia liata zy y ta, tawhta Kheihluh he hnei ngâthlâh ha tyh na ta, dawhty ei thôh pangai ha na ta, thohna ei nie chhôhta ngâlâh vaw pai ta, thohna ei nie khao lei tawhta a vaw y ha heih tyh..kheita mohôh awpa chi ma a châ tly?

Achhyna : Ringworm he fungal infection châ ta, a medical term liata cha Pediculosis tah pi ta, eima keih liata zy, bâhkalie ry liata zy nata rao liata zy a y khoh via pachaih tyh. Chysia hi pha tu leipa a kypa vâta zy y khoh pachaih ta. Pôhpa liata pasana adyuhtuhpa immune system function pha leipa liata y khoh ta, he hawhpa vâna heta HIV pasana a hneipazy heta ama hnei khoh kaw tyh. A hropa heih liata cha zôthlôh (Diabetes) zy heta ama hnei khoh kaw hra. Kheihluh he cha bacterial infection vâta vaw ypa châ ta. A y daidao ha na ta cha pai chakhyh khao leipa ta, antibiotic thatlôpâ kawpa ta â ka (Injection) awpazy â ngiah tyh. Tawhta, kheihluh cha a hnia vaw y ta, a hniah a pua khai leipa ta a châ khiahta cha pôhpa hropa liata a y khoh kaw hra. Chavâta keimo khota pazâ thlâh leipa ta, surgical drainage (pathai) awpa â ngiah tyh.

Dawhty nâ pamosapa he Skin Doctor a châ ma tahpa reih leipa chi ta. Skin Specialist (Dermatologist) a vaw pamosa thei la, ama cha bao thei na ta ei hnabeiseih. Cha raohpa chata test – Blood hemogram, Blood sugar nata HIV test zy chhao vaw tao la, he pasana chhâpa he pahno theipa a châ na ta ei pangiasa.

(He hiahrihna achhynazy he Website hropa liata Dawhtyzy ta amâ chhyna lapachhuahpa a châ. Ed)