Hâta ei no chhôhta North Korea ta Missile ei palih kapapua

South Korea pheisaih biepuapa chata, ama opa râh North Korea ta hâta ei no chhôhta ei palih tlai ‘Missile’, kheihawhpa missile tlai ma a châ, tahpa pahno leipa ama kapapua ha bâ, a ta.

He missile zy he North Korea heta South Hwanghae tawhta tilaipi liata a kapapua, tahpa ama palâsapâ hra.

US sawhkhâ chata he North Korea ta missile a kapapuana chôchâh he South Korea nata Japan asaohiahna chôta ama khâsia hai tahpa reih ta. He hawhta a châ nona heta, North Korea chata US nata South Korean pheisaihzy ta Hriatuanoh tawhta pheisaih nôchâ achuna (Military Exercise) ama hneipa chôchâh liata a hiehâhna a vaw palâsa hapa kha a châ.

US nata South Korean pheisaihzy ta nôchâ achuna ama hneipa he a pipaw via chaipa cha Thlazoh noh 11 tawhna khita pathaopa châ aw ta, â nyu thei chaina hawhta achhuahnohna ama siekhei hai. North Korea chata he hawhta râh nopa pheisaihzy ta nôchâ achukhohna ama hneipa he US President Donald Trump nata South Korea President President Moon Jae-in-zy nahta aryhna ama vaw hnei hapa paraona a châ, tahpa ta ama palôhtlâhleina ama palâsa hai hra.