Manchester United ta Paulo Dybala lapangia khao aw vei ei

Manchester United chata Juventus Sriker, Paulo Dybala amâ daohna cha ama pachhâsa ha, tahpa BBC Sport chata palâsapa ta, he hawhta ama pachhâsana chhâpa he Dybala ta ama hlao awpazie â hawpa a hluh tu hapa vâta a châpa hawhta palâsapa a châ.

United heta he Argentine, kô 25 ta uhtheipa he ama Player Romelu Lukaku nahta â ri awpa ta a daohna he hnei tua ei ta. He amâ daohna he a hlaotloh h’aw khiah maw tah ngâ nota he hawhna heta adaohna he ama pachhâsa hapa a châ.

United chata Dybala heta Old Trafford he a ngai khoh hmeiseihpa ta pahno leipa ei ta; he hleikhôna heta a hlao châta â hnawpazie cha a hluh tupâ hapa ta ama pahno hra.

Dybala heta kô 2015 liana khata Palermo tawhta Juventus he â pazao ta, Season a khô hapa liana khata Juve châta goal 10 khô ta. Champions League liata Old Trafford liata United kao lâ a vaw khô ha hra.