NCFC PLAYER of the Season 2018/19 châta C.Beihmatla

SDFA Cup 2019 Champion nata Siaha Local Football liata Club laipa nata, Club a mohôhna dâh nata phôh hnei phapa, New Colony FC chata kô 2018-2019 Season liata ama Club liata Player pha chaipa, ‘Player of the Season 2018/19’ atlyhna ama hnei.

SDFA Cup 2019 liata Champion haipa, FC College Vaih pahniepa ta Nyungiapa a dikheituhpa, NCFC chata, ama Club chhôh liata Player phapa, a mopâtlâhpa nata Player hropazy châta pasyuna nata hmahsiena châta hmophapa a tlôkhei thei n’awpa pachâpa ta ‘Player of the Season 2018/19’ atlyhpa ta, kô 2018/19 Season châta NCFC Player of the Season châta ‘C.Beihmâtlâ’ amâ tlyh.

NCFC Player of the Season 2018/19 C.Beihmâtlâ he ‘Defender’ châpa ta, NCFC kao chaby abohna nata, NCFC hnôhtlâh pa-ipachatuhpa, a pahniehna tlâh a châ chaipa pakha a châ. Kô 2016 tawhna khata NCFC avaw pazaopa ta, ano he Tisi khihpa a châ.

He hawhta NCFC ta Local Football hmahsiena châta chhâhchabi peimawh kawpa, ‘Player of the Season Atlyhna ama pachhuahpanohpa heta hmahsiena lai viapa a tlôkhei cheingei aw.