'The Rock' ta syna opi paryhkhei awpa ta a vâ-ianô bie â taihkhei haw!

Image source : Instagram

WWE tawhta eima hmia pahno kawpa nata, Hollywood lâta â ngia tawhta chhaota hlaotloh kawpa, 'The Rock' chata daihti vâropi chhôh lôhhro phaoh leipa a vaw pazi tyhpa, Lauren Hashian - cha Abeipanoh khata Hawaii liata 'Hrochhôh châta' tahpa ta lahpinô châta a hnei haw.

Kô 47-ta uhtheipa a châ ha hrapa, Dwayne 'The Rock' Johnson heta a lahpinô hneina thâtih he, Instagram liata ano pazituhpa (followers) chyhsa 154 million hmô tbei awpa ta a tawhpapua.

Henah panoh he kô 2006 tawhna khata a vaw pazi pathao ha ei ta. 'The Game Plan' tahpa Movie amâ châ nota a tyhpa ama châpa hawhta reipa châ ta, atahmâ he sawchanô paano - Jasmine, kô 2015 liata a pihpa nata Tiana, kô 2018 liata a pihpa ama hnei hai.

Image source : Instagram

Hollywood Actor hryta mopahreihpa, The Rock ta lahpinô a hneipa he - Ryan Reynolds, Karen Gillan, P Diddy, Jessica Chastain, Nicole Scherzinger, Scooter Braun, Nick Jonas nata Naomi Campbell zy ta amâ lykheizie a Instagram liata ahneina nohthlah a tawhpapuapa liata ama reihchho (Comment).