USA : Texas liata Meithei a chabapa moleipa pakha ta chyhsa 20 a kasao

Image Courtesy : BBC

Pachyhnoh ta Texas city, El Paso, USA liata hmo a tlôpa rarô-y kawpa liata, sôhdaohna supipa miakha liata chyhsa pakha ta Meithei ta zawpi a kana liata chyhsa 20 thipa ta, chyhsa 26 ta hmah ama phaoh.

Texas Governor Greg Abbott chata "Texas thâtih liata hmo a tlôpa liata rarô-y chaipa miakha" tahpa ta he hawhta chyhsa 20 kasaopa ama châpa he a taokheizie a rei.

He Meithei ta a kana he Walmart daoh, Cielo Vista Mall, US-Mexican râhri daih lâta a tlôpa châ ta. He hmo tlôpa liata maophaohtuhpa ta pahnopa chapaw, kô 21-ta uhtheipa pakha cha Police zy ta ama patu ha hra.

US media zy ta ama palâsana dâhta cha, he chyhsa, chyhsa 20 kasaotuhpa he Patrick Crusius, Dalla, El Paso tawhta Km 1,046 ta â hlapa liata pahrâpa a châ, ama ta. CCTV tawhta â lâna dâhta cha he chyhsa heta Meithei a chabapa ta, Daohpipa (Mall) he a ngia ta, hmo a chaleipa zawpi ama hluh lichihta Meithei he a hmie papa hapa a châ.