Tipâ liata thobôna tlâhrai hria

Pachyhnoh my dawh 10:30Am  khata Siaha DC Bhupesh Chaudhary, IAS   ryraona hawhta MNREGS ry liata JAL SHAKTI ABHIYAN châta hmahlana chi kha châ ta, Tipâ khih liata thobôna tlâhrai hriapa a châ.

 Thobôna tlâhrai he MNREGS ry liata hriapa châpa ta, Tipa RD Block ry liata VC sâthôh - Tipa 'D', Tipa- 'V' nata Ahmypi VC ôna chhôh liata hriapa a châ.

He thobôna tlâhrai hriapa a châ hlâna heta daihti chyupa buakha a hmâpa châ ta. He liana heta Puhpa James Lalnithanga, BDO Tipa RD Block chata Jal Shakti Abhiyan achhuahna nata hmahlana siekhei n’awpa dâhzy zawpi lâta chhopakawhna a hnei.

Zâhnia Pachyhnoh ta Tipâ RD Block ry liata Jal Shakti Abhiyan hmahlana he Army Day (3rd Khihpa) padaipachhaipa ta taopa châ ta; Tipâ khih liata Assam Rifle zy chhaota thapawh kawpa ta thobôna tlâhrai he ama hriakhei hra. Thobôna tlâhrai he Tipa BDO chhihthana ry liata hriapa châ ta, Forest Dept, MADC ta thodaw zy he amâ vaw tôh hra.

He thozy he chavah hnawh, tihnawh pabohsa thei n’awpazie ta bôpa/lopa ama châ.