Ecuador : Amâ khataleinô hai nota O chhâh 3-na tawhta ama tlasao!

Taotuhpa ta chyhsapa a taozie liata hmo a y zôzawpa, chyhsa tyhpa zy chô liata a leithei leipa cha, chanô nata chapaw likah liata asydiena, papitlohsa awpa chanô-chapaw châna hmãpa he a châ… he chanô-chapaw châna hmâna (Sex) he chyhsa thokha ta cha, sahrohpazy hawhta â ryhpaohna liana maihta tlâ hmâh amâ chhuah tyh. Châhrasala, Khazohpa ta nôvah likah liata a pathaih kawpa ta hmâ awpa ta ryh a vaw raopa he, asohsileina vâta thina taihta a tlôkheituhpa a châ thei tyh hra!

Kô 28-ta uhtheipa chanô pakha, Quito, Ecuador liatapa chata a pahrâna su liata apalypa-uasana (Party) pachhuahpanoh ta, laphasa ngâsâ thlâh ha ta. A vâ-iapaw, kô 35-ta uhtheipa nahta ama paphasa patlua ha tawhta cha, khótho lâ puapa ta, 'tlâhpadâ thlihua' sy awpa amâ chhuah haw. Ama yna O he chhâh thôhna châ ta, he hawhta ama yna O chhôh tawhta varandâ lâ kaw puapa ta, amâ khataleinôpa cha a piepasipa ta, tla tlamaw ei ta, ama hrona sôh kawpa ama pahlei haw! 

Âmo liata reipasaona tily chahra ngaitapa chata, ama yna su cha chi â chhih ma tahpa chhao pachâsa thei khao leipa ta, thluahruapa ta amâ ampapa cha, ama yna, O chhâhthôhna varandâ tawhna chata ama tlasao hapa a châ.

O chhâh thôhna tawhta ama za tlapa pyury theituhpa, ama Opa mo ta vaw hmô ei ta, ama hrona pachhã thei khao vei ei. 

Calderon Police District Operations Chief Cristhian Trujillo chata henah pano thina chôchâh liana heta, ‘Detective-zy ta henah pano thina dãh liata hmo siahliapa amâ laichadai hai’ a ta.

A chanôpa he Laheihnô châpa ta, a sawchanô kô 8-pa a siesai. A pei kaw na!

- Indiatimes