EURO 2020 : Cristiano Ronaldo ta Goal 4 a khô

Cristiano Ronaldo ta anodeita goal 4 khôpa ta, Portugal ta Lithuania cha 5-1 ta Hriaheihzâ Euro 2020 qualifying akhaihna liata ama pahnie.

Juventus forward heta hetana heta Portugal châta goal 93 khô ha bâ ta, khizaw liata râh châta goal a khô hluh chaipa Iran footballer, Ali Daei hlâta goal 16 ta a khô chyh via chy.

Ronaldo heta a goal hmiatua chaipa he daihti hmiatuapa lâta penalty ama hmôpa tawhta a khôpa châ ta, he he Lithuania lâ tawhta Vytautas Andriuskevicius â kaw pasu pakhua ha heih.

Penalty tawhta a pangia khai tawhna heta Ronaldo heta Yard 20-ta â hlapa tawhta Lithuania kaovaihtuhpa Ernestas Setkus patu hmâ lei awpa ta chapie pangia heih ta; Bernardo Silva tawhta ball a hmôpa rairie tawhta goal 2 a za khô chhi via heih. Portugal goal 5-na he William Carvalho ta daihti pie chhipa liata a khôpa a châ.

He pahniena heta Portugal Group B liata sânona duasu liata paduasa via lymâ heihpa ta, Group B hmia asahtuhpa Ukraine hlâta point 5 ta amâ hnai via chy.

Kô 34-ta uhtheipa Ronaldo heta râh châta ei 8 ‘Hattrick’ a tao ha tahna châ ta, kô 2016 khata Andorra ama hmiachhyna akhaihna liata goal 4 a vaw khô ha heih.

Group B liata Serbia cha 3-na kaw châ awpa ta 3-1 ta Luxembourg pahnie ei ta, Aleksandar Mitrovic ta goal 2 a khô.

Euro 2020 Qualifying Result hropa :