Kô 16 ta uhtheipa Ansu Fati ta Barcelona châta goal a khô ha heih
Kô 16-ta uhtheipa, Barcelona forward Ansu Fati chata a eikhana châta Barcelona senior team châta first XI a tona akhaihna liata, minute 2-na liata goal khôpa ta, La Liga champion ta Valencia ama pahniena akhaihna liata âlâluah kaw heih.
He thyudyupa Ansu Fati heta Frenkie de Jong tawhta ball a vypa cha, Nou Camp liata Barcelona hmia a sahna châ awpa a pangia.
Fati heta goal a khô tawhta minute 5-na liata a goal khô awpa taopatuhpa, De Jong châta taopa heih hrapa ta, De Jong heta Barcelona goal 2-na a khô.
Valencia châta Kevin Gameiro ta si kha za khô taraw hra ta; he he Barcelona lâ tawhra Gerard Pique nata Luis Suarez ta goal kha rairie ta a zâ chhypalie ei ta. Maxi Gomez ta daihti chhâ chy lâchhâh liata Valencia châta za khô taraw hrasala, Nou Camp liata azipa Barca a dao pathla thei rimâ khao vei ei.
AHY MAW ANSU FATI CHA?
Barcelona academy tawhta achupapuapa, Fati he La Liga liata goal khô theipa hryta hawti chaipa châ awpa ta thla hmiatuapa liana khata Barcelona nata Osasuna zy 2-2 ta amâ pahniethaina akhaihna liata goal kha khô ta; he goal he Fati heta substitute tawhta â zâ ngia tawhta minute 6-na liata a khôpa a châ.
A pina râh, Guinea-Bissau puasaipa ta Spain lâta avaw paihpa, Ansu Fati heta kô 6 deita a châ no, kô 2012 khata Barcelona Football achuna, 'La Masia' academy a pazao ta, thla hmiatuapa liata Osasuna nahta amâ khaih nota â pie phapa vâta Valencia ama hmiachhyna akhaihna liana heta First XI patosapa a châ. Ama taochhei lei kaw.
Atakô Thlazoh noh 25 liata Real Betis ama hmiachhyna akhaihna liata â khaih hrapa khata, Kô 1941 rakha tawhta Barcelona senior team châta akhaih theipa hryta hawti chaipa châpâ ha ta, Senior team châta Substitute tawhta châ leipa ta, First XI liata â khaihna hmiatua chaipa liata Club chhie muarua leipa, Valencia kao lâta goal a khô theipa heta a hmialâ daihti a pakhaihsa kaw.
Hmah a phaohpa vâta akhaih thei leipa, Barca saw matlupa, Lionel Messi ta chhao Fati a pielyupa he tlyliah kâ lâ tawhta thapawh kawpa ta a vaw saih thlâh ha hra.
He thyudyupa Ansu Fati heta Frenkie de Jong tawhta ball a vypa cha, Nou Camp liata Barcelona hmia a sahna châ awpa a pangia.
Fati heta goal a khô tawhta minute 5-na liata a goal khô awpa taopatuhpa, De Jong châta taopa heih hrapa ta, De Jong heta Barcelona goal 2-na a khô.
Valencia châta Kevin Gameiro ta si kha za khô taraw hra ta; he he Barcelona lâ tawhra Gerard Pique nata Luis Suarez ta goal kha rairie ta a zâ chhypalie ei ta. Maxi Gomez ta daihti chhâ chy lâchhâh liata Valencia châta za khô taraw hrasala, Nou Camp liata azipa Barca a dao pathla thei rimâ khao vei ei.
AHY MAW ANSU FATI CHA?
Barcelona academy tawhta achupapuapa, Fati he La Liga liata goal khô theipa hryta hawti chaipa châ awpa ta thla hmiatuapa liana khata Barcelona nata Osasuna zy 2-2 ta amâ pahniethaina akhaihna liata goal kha khô ta; he goal he Fati heta substitute tawhta â zâ ngia tawhta minute 6-na liata a khôpa a châ.
A pina râh, Guinea-Bissau puasaipa ta Spain lâta avaw paihpa, Ansu Fati heta kô 6 deita a châ no, kô 2012 khata Barcelona Football achuna, 'La Masia' academy a pazao ta, thla hmiatuapa liata Osasuna nahta amâ khaih nota â pie phapa vâta Valencia ama hmiachhyna akhaihna liana heta First XI patosapa a châ. Ama taochhei lei kaw.
Atakô Thlazoh noh 25 liata Real Betis ama hmiachhyna akhaihna liata â khaih hrapa khata, Kô 1941 rakha tawhta Barcelona senior team châta akhaih theipa hryta hawti chaipa châpâ ha ta, Senior team châta Substitute tawhta châ leipa ta, First XI liata â khaihna hmiatua chaipa liata Club chhie muarua leipa, Valencia kao lâta goal a khô theipa heta a hmialâ daihti a pakhaihsa kaw.
Hmah a phaohpa vâta akhaih thei leipa, Barca saw matlupa, Lionel Messi ta chhao Fati a pielyupa he tlyliah kâ lâ tawhta thapawh kawpa ta a vaw saih thlâh ha hra.
No comments