Saudi Arabia : Drone hmâpa ta tikâtheipa nata zizakâtheipa taopapuana su tlahnaopa a châ
Pachyhnohta Drone hmâpa ta Saudi Arabia liata tikâtheipa nata zizakâtheipa (oil and gas) patohpatiana su, Abqaiq nata Khurais liatapazy tlahnaopa a châpa vâta, Saudi Arabia sawhkhâ chata tikâtheipa nata zizakâtheipa taopapuapa zie pachyh viapa ta, he heta khizaw liata tikâtheipa mâ apanano na ta pangiasapa a châ hai. He Drone hmâpa ta tikâtheipa nata zizakâtheipa patohpatiana su tlahnaopazy he Saudi Arabia sawhkhâ mohôhpa, Aramco ry liatapazy ama châ.
Saudi Arabia Energy Minister Prince Abdulaziz bin Salman chata he Drone hmâpa ta tikâtheipa patohpatiana su tlahnaopa a châpa vâna heta, tikâtheipa thli pasoh leipa (crude oil) taopapuana cha nohkha ta 5.7m barrel lâta za tla pahnai ta - He he Saudi Arabia ta tikâtheipa a taopapuapa â khophie rachhôh a chá, a ta.
He Drone hmâpa ta Tikâtheipa taopapuana su tlahnaona he Yemeni Houthi riahrupazy chata âmo ta ama taopa a châ tahpa phuah ha ei ta; he tlahnaona châna heta Drone 10 ama hmãh ama tah hra.
US Secretary of State Mike Pompeo deikua ta cha he tlahnaona he Iran taopa a châ, tahpa ta baipa ta; Yemen tawhta he Drone zy he a vy thei vei ei, a tah hra.
Saudi Arabia heta Yemen râhchhôh buana liata sawhkhâ a châhpa ta bao hai ta; he hawhta a châ nona heta Iran ta Yemen sawhkhâ adyuhtuhpa Houthi riahrupazy a bao hra.
Saudi Arabia Energy Minister Prince Abdulaziz bin Salman chata he Drone hmâpa ta tikâtheipa patohpatiana su tlahnaopa a châpa vâna heta, tikâtheipa thli pasoh leipa (crude oil) taopapuana cha nohkha ta 5.7m barrel lâta za tla pahnai ta - He he Saudi Arabia ta tikâtheipa a taopapuapa â khophie rachhôh a chá, a ta.
He Drone hmâpa ta Tikâtheipa taopapuana su tlahnaona he Yemeni Houthi riahrupazy chata âmo ta ama taopa a châ tahpa phuah ha ei ta; he tlahnaona châna heta Drone 10 ama hmãh ama tah hra.
US Secretary of State Mike Pompeo deikua ta cha he tlahnaona he Iran taopa a châ, tahpa ta baipa ta; Yemen tawhta he Drone zy he a vy thei vei ei, a tah hra.
Saudi Arabia heta Yemen râhchhôh buana liata sawhkhâ a châhpa ta bao hai ta; he hawhta a châ nona heta Iran ta Yemen sawhkhâ adyuhtuhpa Houthi riahrupazy a bao hra.
No comments