AMLC President Puhpa M.Vahnei Mathipi United Nations pakhypi liata a hlao aw
AMLC President Puhpa M.Vahnei ta United Nations International Year of Indigenous Languages Conference 2019 â hlao aw
Achô bietlâh nata azaopa ta "United Nations 2019, International Year of Indigenous Languages" Conference lia ahlao ta chipho chiachâ kyh rei chyu awpa liata Myanmar râh liata ethnic group hlupi hruana ama dao thei leipa hryta Abeipa phana topa ta Nochhi Mara+Notla Mara (Marapa chipho reih kyh) rei awpa ta Association of Mara Literature and Culture (AMLC) hruapa eima châpa he, vâhnei eima tah ngaita.
AMLC tawhta ahlao awpa President Puhpa M.Vahnei khitly n'awpa nahta azaopa ta adâtlâhpi viapazy ary liata palâsapa a châ.
1. UN ta kô 2019 he International Year of Indigenous Languages (Khizaw Chipho Chyhpazy Reih Kô) ta a phuah.
2. Khizaw liata Reih nano a cheihpa chipho 7000 y ei ta, chipho chyhpa 370 milia y ei ta, Râh 90 zy liata ama pahrâ. Culture nanopa 5000 y ta, chipho 2680 zy cha ama reih nata chipho leidia thei awpa duahmo chichhihpa liata amâ duah. Khizaw ta a hneipa he hawhpa chi sôhpa a leidia awpa saiheina vâta Kô 2019 he UN ta International Year of Indigenous Languages ( Khizaw Chipho Chyhpa Reihzy Kô) ta a phuahpa a châ.
3. International Year of Indigenous Languages Conference 2019, cha PURDUE UNIVERSITY FORT WAYNE, FORT WAYNE, INDIANA liata October 30 – November 2, 2019 ta hneipa a châ aw.
4. He Conference akiah awpa ta Myanmar râh Ministry liata nata University zy liata chyhsa laipa (High Ranking) zy hruapa ama châ.
5. AMLC chhao (President Puhpa M. Vahnei) hruapa châ hra ta, he International Conference liata Mara Reih thâtih rei papuana daihti a hnei hra aw.
6. Puhpa M. Vahnei cha Cathay Pacific 5251: October 25, 2019, 1:25 am taYangon International Airport Terminal: 1 tawh a thao aw ta, dawh 30 sie sa la, American Airlines 1628, 8:55 pm ta Indianapolis (IND) Airport a tlô aw.
7. He hawh Chipho kyh UN hmah lapa International Conference liata Marapa chipho eimâ hlao thei hrapa he AMLC ta arônah tah hmeiseih pi ta, vâhnei eima tah ngâsâ. Puhpa M. Vahnei he International Conference tho ta Mara Chipho nata Reih kyh zydua lia USA Marasawzy nata daihti phapa ama hmâh pha awpa chhao hnabeiseih pi ta, eima khokhei hmeiseih hra.
Puhpa M. Vahnei ta eina chhopa cha “September 2, 1999 ta USA tlô na ta, thla 9 chhôh New Haven, Connecticut liata y na ta, Khazohpa ngiachhiena vâta States hluhpi tly na ta, Canada chhao tly na ta, July, 2000 ta Myanmar lâ ei vaw palie pakhua. Ei sie lâhpa viasa thokha hluh viazy cha Myanmar lâ vaw kua khao leipa ei ta, USA liata amâ vaw ngua haw. Kha daihti no USA liata Puhpa Matlei, Puhpa Dr. Ngôchôle nata keima deita Marasaw eima y. Atahmâ cha USA liata Marasaw 3000 chô lâ ama pahrâpa hawhta pahno na ta, kô 20 tlai avaw sie ha tawhta USA tlô pathi heih awpa he, ei palôh â liepâ kaw” a tah.
Eima President Puhpa M. Vahnei he atanoh taihta hrona nata tlâna byhna to ta, AMLC a vaw pi no tawhta atanoh taih President ta chhihtha lymâ ta, eima Marapa chipho châta a taotheina kao lâ tawhta a hriapasa lymâpa chyhsa pakha a châ. Puhpa M. Vahnei ta a hrokheipa bie cha “Chhizao (Zaokâ) avyh tlyma, arâh tlyma tahpa Marapa ta tymâkhei leipa ei sih la, pazu a patu awpa tlao a byuh” tahpa ta kyh to lia “ Marapa phana awpa khiah apha khai thlâh ha (Mara First)” tahpa he a châ.
AMLC President Puhpa M. Vahnei khitly n'awpa châta nata raihriana châta thlahchhâ bao chyu suh vy!
- AMLC
Achô bietlâh nata azaopa ta "United Nations 2019, International Year of Indigenous Languages" Conference lia ahlao ta chipho chiachâ kyh rei chyu awpa liata Myanmar râh liata ethnic group hlupi hruana ama dao thei leipa hryta Abeipa phana topa ta Nochhi Mara+Notla Mara (Marapa chipho reih kyh) rei awpa ta Association of Mara Literature and Culture (AMLC) hruapa eima châpa he, vâhnei eima tah ngaita.
AMLC tawhta ahlao awpa President Puhpa M.Vahnei khitly n'awpa nahta azaopa ta adâtlâhpi viapazy ary liata palâsapa a châ.
1. UN ta kô 2019 he International Year of Indigenous Languages (Khizaw Chipho Chyhpazy Reih Kô) ta a phuah.
2. Khizaw liata Reih nano a cheihpa chipho 7000 y ei ta, chipho chyhpa 370 milia y ei ta, Râh 90 zy liata ama pahrâ. Culture nanopa 5000 y ta, chipho 2680 zy cha ama reih nata chipho leidia thei awpa duahmo chichhihpa liata amâ duah. Khizaw ta a hneipa he hawhpa chi sôhpa a leidia awpa saiheina vâta Kô 2019 he UN ta International Year of Indigenous Languages ( Khizaw Chipho Chyhpa Reihzy Kô) ta a phuahpa a châ.
3. International Year of Indigenous Languages Conference 2019, cha PURDUE UNIVERSITY FORT WAYNE, FORT WAYNE, INDIANA liata October 30 – November 2, 2019 ta hneipa a châ aw.
4. He Conference akiah awpa ta Myanmar râh Ministry liata nata University zy liata chyhsa laipa (High Ranking) zy hruapa ama châ.
5. AMLC chhao (President Puhpa M. Vahnei) hruapa châ hra ta, he International Conference liata Mara Reih thâtih rei papuana daihti a hnei hra aw.
6. Puhpa M. Vahnei cha Cathay Pacific 5251: October 25, 2019, 1:25 am taYangon International Airport Terminal: 1 tawh a thao aw ta, dawh 30 sie sa la, American Airlines 1628, 8:55 pm ta Indianapolis (IND) Airport a tlô aw.
7. He hawh Chipho kyh UN hmah lapa International Conference liata Marapa chipho eimâ hlao thei hrapa he AMLC ta arônah tah hmeiseih pi ta, vâhnei eima tah ngâsâ. Puhpa M. Vahnei he International Conference tho ta Mara Chipho nata Reih kyh zydua lia USA Marasawzy nata daihti phapa ama hmâh pha awpa chhao hnabeiseih pi ta, eima khokhei hmeiseih hra.
Puhpa M. Vahnei ta eina chhopa cha “September 2, 1999 ta USA tlô na ta, thla 9 chhôh New Haven, Connecticut liata y na ta, Khazohpa ngiachhiena vâta States hluhpi tly na ta, Canada chhao tly na ta, July, 2000 ta Myanmar lâ ei vaw palie pakhua. Ei sie lâhpa viasa thokha hluh viazy cha Myanmar lâ vaw kua khao leipa ei ta, USA liata amâ vaw ngua haw. Kha daihti no USA liata Puhpa Matlei, Puhpa Dr. Ngôchôle nata keima deita Marasaw eima y. Atahmâ cha USA liata Marasaw 3000 chô lâ ama pahrâpa hawhta pahno na ta, kô 20 tlai avaw sie ha tawhta USA tlô pathi heih awpa he, ei palôh â liepâ kaw” a tah.
Eima President Puhpa M. Vahnei he atanoh taihta hrona nata tlâna byhna to ta, AMLC a vaw pi no tawhta atanoh taih President ta chhihtha lymâ ta, eima Marapa chipho châta a taotheina kao lâ tawhta a hriapasa lymâpa chyhsa pakha a châ. Puhpa M. Vahnei ta a hrokheipa bie cha “Chhizao (Zaokâ) avyh tlyma, arâh tlyma tahpa Marapa ta tymâkhei leipa ei sih la, pazu a patu awpa tlao a byuh” tahpa ta kyh to lia “ Marapa phana awpa khiah apha khai thlâh ha (Mara First)” tahpa he a châ.
AMLC President Puhpa M. Vahnei khitly n'awpa châta nata raihriana châta thlahchhâ bao chyu suh vy!
- AMLC
No comments