MWC ta MARA REIH CAMPAIGN HNEI
Zâhnia târi 16 Phiata 2019 zâlâ dawh 2:00Pm khata, Foxall Higher Secondary School, Siaha liata Mara Writers' Club (MWC), Siaha pachhuahpanoh ta, *Mara Reih Campaign* hneipa a châ.
He daihti he Satlia FC Chhuasa, President, MWC ta chhihthapa ta, Pihnô Patricia T.Azyu, Vice President, MWC ta daihti pavaosana thlah a chhâ.
He Foxall HSS liata Mara Reih Campaign liana heta, Puhpa Z.Siachô nata Pihnô Nakho Solo, Adviser, MWC zy ta Mara reih pabohsa awpa peimawhzie nata, Mara reih â boh thei n'awpa ta achuhaipazy maohphaohna lâchhâh aheihpa bie ama rei.
Biereituhpa Puhpa Z.Siachô chata, _*Atanohta achuhaipazy ta Mara reih nama pabohsa leipa ta a chã khiahta la, mylâ Mara reih duasu aboh khao aw vei*_ tahpa ta, _*Khazohpa ta hmosai miah piepa, Mara reih he pasôpa ta, eima pabohsa khiahta la, miah pietuhpa Khazohpa palôh chhao a tlâh hra aw*_ a ta.
Biereituhpa hropa, Pihnô Nakho Solo chata, _*Mara reih he Khazoh hmosaipiepa, a pabohsana rai he keimo ta eima hria awpa a chã. Keima he Mara reih liata ei pihpathi hlâta cha Tlaikao reih he ei cheih via tyh..anodeikua Mara reih peimawhzie nata Mara chi nata pho pabohsatuhpa tôhpi chaipa a châna pahnopa ta ei pihpathi tawhta cha, Mara reih he athata achu pathi ta, atahmã cha liahsa hmah ei vaw sie ha*_ tahpa ta, _*Mara reih cheingei ta Vârâh kiah eimã chhuah cheingei awpa a châ; Mara reih cheingei ta Khazohpa eima palyupalih awpa chhao he miah pietuhpa Khazohpa alyna chaipa a chã hra aw*_ a ta.
Atanohta Foxall HSS liata Mara Campaign liana heta, achuhaipa 200 hlei a hlaopa ta, biereina likah liata achuhaipa lâ tawhta mopakha hlasana nahthliepa a châ hra.
MWC chata Siaha Higher Secondary School zydua liata Mara reih Campaign he siekhei lymâ awpa ta amã chhuahnoh.
He daihti he Satlia FC Chhuasa, President, MWC ta chhihthapa ta, Pihnô Patricia T.Azyu, Vice President, MWC ta daihti pavaosana thlah a chhâ.
He Foxall HSS liata Mara Reih Campaign liana heta, Puhpa Z.Siachô nata Pihnô Nakho Solo, Adviser, MWC zy ta Mara reih pabohsa awpa peimawhzie nata, Mara reih â boh thei n'awpa ta achuhaipazy maohphaohna lâchhâh aheihpa bie ama rei.
Biereituhpa Puhpa Z.Siachô chata, _*Atanohta achuhaipazy ta Mara reih nama pabohsa leipa ta a chã khiahta la, mylâ Mara reih duasu aboh khao aw vei*_ tahpa ta, _*Khazohpa ta hmosai miah piepa, Mara reih he pasôpa ta, eima pabohsa khiahta la, miah pietuhpa Khazohpa palôh chhao a tlâh hra aw*_ a ta.
Biereituhpa hropa, Pihnô Nakho Solo chata, _*Mara reih he Khazoh hmosaipiepa, a pabohsana rai he keimo ta eima hria awpa a chã. Keima he Mara reih liata ei pihpathi hlâta cha Tlaikao reih he ei cheih via tyh..anodeikua Mara reih peimawhzie nata Mara chi nata pho pabohsatuhpa tôhpi chaipa a châna pahnopa ta ei pihpathi tawhta cha, Mara reih he athata achu pathi ta, atahmã cha liahsa hmah ei vaw sie ha*_ tahpa ta, _*Mara reih cheingei ta Vârâh kiah eimã chhuah cheingei awpa a châ; Mara reih cheingei ta Khazohpa eima palyupalih awpa chhao he miah pietuhpa Khazohpa alyna chaipa a chã hra aw*_ a ta.
Atanohta Foxall HSS liata Mara Campaign liana heta, achuhaipa 200 hlei a hlaopa ta, biereina likah liata achuhaipa lâ tawhta mopakha hlasana nahthliepa a châ hra.
MWC chata Siaha Higher Secondary School zydua liata Mara reih Campaign he siekhei lymâ awpa ta amã chhuahnoh.
No comments