EPL : Manchester khihpi club-2-pazy tlô vei ei - Point 8 ta Liverpool hmia amâ sah haw

Premier League Champion haipa Manchester City cha atahmâ 'season' liata hmia asah haituhpa, Liverpool hlâta Point 8 ta amâ hnai via ha heih.

Manchester City heta pachâpahria leipa pi ta Wolves â pahniesa ei ta. Wolves châta Adama Traore ta daihti chhâna lâchhâh minute 10 chhôhta goal 2 a za khôpa cha, Man City heta â chhypalie thei khao vei ei. Kô 1979 rakha tawhta Manchester City tlyliah liata Wolves ta pahniena ama to ha hra.

MANCHESTER UNITED HNÔH AMÂ SY LYMÂ

Steve Bruce hnabeiseihpa hawh tlaita a club, Newcastle United ta Manchester United pahniepa ta, 'Premier League relegation zone' tawhta amâ tliehpapua ha hra. Steve Bruce chata, he United ama pahniepa heta Newcastle châta a hrapathina a tlôkhei na ta â hnabeiseihnazie a rei papua.

He akhaihna liata goal a y chhôhpa nata Newcastle United tlôna goal he Matty Longstaff, kô 19-ta uhtheipa ta a khôpa châ ta, 'English Top flight' football âkhaih tua chaina liata pahniena goal khôpâpa ta, he a goal khôpa vâna heta English Club rôhnahpa, Manchester United cha 'Relegation zone' liata y awpa ta 'Point 2' ngâlâhta amâ boh ha bâ.

Longstaff heta 1st Half liata goal khô theina daihti ryhpaohpa hnei ta, midfield liata a unawhpa Sean nahta a pakaohpa ta, yard 25-ta â hlapa tawhta a za chapiepa cha kaotôh pakhâhpa chapiethlu vei mawh sala 1st Half liata 1-0 a châ ha aw. Châhrasala, minute 72-na liata goal pangia pylypa ta, 1-0 ta pahniena ama to hapa a châ.

RESULTS :