Pachyhza EPL : Liverpool ama vâhnei kaw nota Tottenham vâduana â pazao lymâ chy
Premier League hmia asahtuhpa Liverpool ta daihti chhâ chyta liata Penalty ama hlao papuapa zawhzi ta pahniena to heihpa ta, atahmâ Season liata 100% pahniena to hai ei ta, he hawhta a châ nota Tottenham atymâna a pazao lymâ chy ta, Aston Villa ta Norwich ama chanaoh.
Leicester ta ama manager, Liverpool Boss parohpa Brendan Rodgers ta Anfield a tly heihna akhaihna liata point hlao papua cheingei a chhuahpa ta tei ei ta. Liverpool châta Sadio Mane ta hmia amâ sahna a khôpa cha James Maddison ta â zâ pasu ta, 1-1 ta a pahniethai awpa ama lyu kaw.
Châhrasala Liverpool he vâhneina ta khiahma a pazi tah thei awpa ta daihti chhâ chy hmeiseihpa liata Sadio Mane cha Leicester kao chaby liata papao ei ta, Penalty a hlao papua haw. He penalty ama hlao papuapa he James Milner ta chapiepa ta, 'the Reds' he 2-1 ta ama tlô hapa a châ. Hetana heta Liverpool heta âmo pazituhpa, Manchester City cha Point 8 ta amâ râsai ha heih tahna châ ta. Man City he atazâ amâ khaih aw.
UEFA Champions League liata 7-2 po ta Bundesliga club Bayern Munich hmiakô liata maoh ama phyuhna tawhtapa Spurs â hra papua mâh leipa ei ta; Brighton hmiakô liata amâ taopathi bâ khiahma tahpa ta hnabeiseihna â sâh kaw nota kaovaihtuhpa Hugo Lloris apiepasi heihpa ta, Beighton hmia asahna Goal, Neal Maupay ta a khôpa cha a taochheipa tah leithei awpa châ vei.
Brighton Striker, kô 19 ta untheipa Aaron Connolly, kô 19 ta uhtheipa ta, Premier League liata a 'start' tua chaina liata goal 2 khôpa ta, 3-0 ta Brighton heta ama khichhaipa Tottenham ama pahnie.
Akhaihna hropa liata, Crystal Palace ta si ama phaoh liahsa tawhta West Ham cha 2-1 ta London Stadium liata kei pahnie ei ta. 'Top 4' hryta amâ kaw khaih ha hra.
Burnley ta 5-na duasu liata a kaw khaih awpa ta 1-0 ta 10-ta akhaihpa Everton pahnie ei ta. He goal y chhôhpa he Jeff Hendrick ta â ngia kawpa ta a khôpa a châ. Ge akhaihna liana heta Everton defender Seamus Coleman cha 'Yellow card' ei no a hmôpa vâta papuapa a chã.
Aston Villa ta nopi daihti liata Player ama lapangiapa, Brazilian striker Wesley ta goal no khôpa ta, Aston Villa heta Norwich City cha 5-1 ta ama chanaoh.
Jack Grealish, Conor Hourihane nata substitute Douglas Luiz zy ta Villa châta khô hra ei ta. Atahmâ Season liara Aston Villa ta pahniena ei no ama to ha hra.
Pahniena hladyuh pathluah thei mâh leipa, Watford rairuna a pazao lymâ chypa ta, atahmâ Season Premier League liata pahniena to thei mâh vei ei. Sheffield United nahta 0-0 ta amâ pahniethai.
Atazã he Arsenal ta Bournemouth vaw khichhai aw ei ta, Manchester City tlyliah liata Wolves a ngia aw ei ta; Chelsea nata Southampton amâ hmiachhy aw. Zâ rei lâ akhaihna liata Newcastle United ta Manchester United ama vaw khichhai hra aw.
Leicester ta ama manager, Liverpool Boss parohpa Brendan Rodgers ta Anfield a tly heihna akhaihna liata point hlao papua cheingei a chhuahpa ta tei ei ta. Liverpool châta Sadio Mane ta hmia amâ sahna a khôpa cha James Maddison ta â zâ pasu ta, 1-1 ta a pahniethai awpa ama lyu kaw.
Châhrasala Liverpool he vâhneina ta khiahma a pazi tah thei awpa ta daihti chhâ chy hmeiseihpa liata Sadio Mane cha Leicester kao chaby liata papao ei ta, Penalty a hlao papua haw. He penalty ama hlao papuapa he James Milner ta chapiepa ta, 'the Reds' he 2-1 ta ama tlô hapa a châ. Hetana heta Liverpool heta âmo pazituhpa, Manchester City cha Point 8 ta amâ râsai ha heih tahna châ ta. Man City he atazâ amâ khaih aw.
UEFA Champions League liata 7-2 po ta Bundesliga club Bayern Munich hmiakô liata maoh ama phyuhna tawhtapa Spurs â hra papua mâh leipa ei ta; Brighton hmiakô liata amâ taopathi bâ khiahma tahpa ta hnabeiseihna â sâh kaw nota kaovaihtuhpa Hugo Lloris apiepasi heihpa ta, Beighton hmia asahna Goal, Neal Maupay ta a khôpa cha a taochheipa tah leithei awpa châ vei.
Brighton Striker, kô 19 ta untheipa Aaron Connolly, kô 19 ta uhtheipa ta, Premier League liata a 'start' tua chaina liata goal 2 khôpa ta, 3-0 ta Brighton heta ama khichhaipa Tottenham ama pahnie.
Akhaihna hropa liata, Crystal Palace ta si ama phaoh liahsa tawhta West Ham cha 2-1 ta London Stadium liata kei pahnie ei ta. 'Top 4' hryta amâ kaw khaih ha hra.
Burnley ta 5-na duasu liata a kaw khaih awpa ta 1-0 ta 10-ta akhaihpa Everton pahnie ei ta. He goal y chhôhpa he Jeff Hendrick ta â ngia kawpa ta a khôpa a châ. Ge akhaihna liana heta Everton defender Seamus Coleman cha 'Yellow card' ei no a hmôpa vâta papuapa a chã.
Aston Villa ta nopi daihti liata Player ama lapangiapa, Brazilian striker Wesley ta goal no khôpa ta, Aston Villa heta Norwich City cha 5-1 ta ama chanaoh.
Jack Grealish, Conor Hourihane nata substitute Douglas Luiz zy ta Villa châta khô hra ei ta. Atahmâ Season liara Aston Villa ta pahniena ei no ama to ha hra.
Pahniena hladyuh pathluah thei mâh leipa, Watford rairuna a pazao lymâ chypa ta, atahmâ Season Premier League liata pahniena to thei mâh vei ei. Sheffield United nahta 0-0 ta amâ pahniethai.
Atazã he Arsenal ta Bournemouth vaw khichhai aw ei ta, Manchester City tlyliah liata Wolves a ngia aw ei ta; Chelsea nata Southampton amâ hmiachhy aw. Zâ rei lâ akhaihna liata Newcastle United ta Manchester United ama vaw khichhai hra aw.
No comments