Kazakhstan : Phone papa vâta chanô kô 14-pa ta hrona pahlei

Kazakhstan liata achuhaipa chanô hawti pakha cha, a kiahpâh liata a Phone Charge-pa ta a môsai ta, vâduachhih kawpa ta a phone he pa ta, phone heta pathlupa ta a thi.

He chanô hawtipa he Alua Asetkyzy Abzalbek, kô 14 ta uhtheipa châ ta, Bastobe, Kazakhstan liata a pahrâpa a châ. A phone a charge nona heta ‘Nahthliena ngaih’ (Earphone) tawhta hla nahthliepâ ta, â mosai ta, vâduachhih kawpa ta a phone charge ngâpa he papa ta, a hrona a pahlei hapa a châ.

He chanô hawti vâdua kawpa he a ri ama kei hmô nona heta, a kiahpâh liata a phone papa he vaw kâ khai ha ta, phone papa vâta a thipa hawhta pahnopa a châ hapa a châ.

Police zy ta he chanô hawtipa phone he a ri kiah liana heta dôhlatha liata â vaw ‘charge’ thlâh ha, tahpa ama pasia hra. Phone papa heta chanô hawtipa Alua he a luh liata hmah lai kawpa paphao ta, he a hmah vâna heta a thi tahpa ama rei hra.

Forensic lâta athaipazy ta ama reina dâhta cha, Phone he myrâh lâta a papa hawhta pahnopa a châ, tahpa reihpa ta, he hawhta a Phone charge-pa ta â môsaipa cha, a phone he a Battery a ‘Full’ tawhta athata sahpa ta, a pa hapa a châ, ama ta.