THE BEAST : US President Car pahnopasia tua suh vy

'The Beast' tahpa ta ama aw tyhpa US President Car he, 'Cadillac One', 'First Car' tahpa ta nata, 'Stagecoach' tahpa ta pahnopa a châ hra. Atahmâ ta US President Car hmã haipa he kô 2018-liatapa kha châ ta, '$1.5 million' mâ, 'Pound 20,000 (Kg 9071.84)' ta â hripa a châ. Chyhsa 7 a tyuh thei ei ta, a Car pôhpa he _Thuachâpa (Steel), Aluminium nata Ceramic_ tawhta taopa châ ta, 'Inches 8' ta â chhapa a châ hleikhôta, a _pyhlie (Windows)_ Inches 5 ta â chhapa a chã hra. Theisâlô (Bullet) nata Bomb papa tawhta aboh awpa ta taopa châ ta, su zohpa liata chhao bua lei awpa (Night Vision System) ta tobipa a châ hra. He dei châ leipa ta, _Chemical nata Biological Weapon_ hmâpa ta tlahnaona tawhta aboh awpa ta tobipa chã ta, â vaw chadaituhpa _Motor_ zy patypamâ thei awpa ta _Sathaw a pahniahpa_ a papua thei hra. A Ochhi pahyna ngaih (Door handles) zy cha moleipa tlyma, tlahnaotuhpazy ta ama pahy chakhyh thei leina awpa ta dôhlatha sie theipa (Electrified) ta taopa châ ta; meikâpa tlyma pachhai thei ta, _Tear Gas_ a ka papua thei hra. A phei (Tyres) a pa/rao hapa chhaota khodâh hawhta a râ lymâ thei awpa ta tobipa a chã hra.

A chô liata hmo nano nanopazy hleikhôna khita, rairuna tlyma, atymâna daihti liata tlyma hmâpâ thei awpa ta - _Oxygen system_ sopa châ ta, Thohna nano nanopa hleikhôta, Khatinorai ta hmâ thei awpa ta President thisaih hawhpa (Blood group hawhpa) thisaih ama soh ngâthlâh ha hra!