Article : ZISU HNEI EI KHOH VIA (I'd rather have Jesus)
Kô 1922 liana khata, nô pakha, Rhea F. Miller chata Hlaphôh (Poem) roh ta. He a Hlaphôh a vaw ro pathaona dâh cha he hawhna heta ama rei -
A paw he sahma zoh kawpa châ ta, sahma a dohpa nata a paripa dei châ leipa ta, O chhôh liata buana a taopâ tyhpa chata a chhôhkhazy hro rie a pathei ngaita tyh. Pihnô Miller-chata, "Sôhthih nata hmohropa liata a phahla kawpa hnei hra v'ei sihla, eima O chhôh cha hriena su hawh tlupo ta riethei a chhihpa a châ," a vaw tahpâ ngâkaw. He hawhta a paw hmotao tyhpa pha lei kawpa vâta hro rietheichhih kawpa ry liata laiseih lymâpa ta, vaw laihsa ta. He nona heta satlia *Howard Vassar Miller*-nahta a tyh pasupa ta, kyhpachâna tilih liata tlapa ta, hrochhôh a kao khoh awpa ta amâ hnei hapa a châ.
Kô 1922 khata Rhea F.Miller cha kô 28 ta uhtheipa vaw châ ha hra ta, a laiseihna O a kei chahryh heina daihti liata deikua, a paw chata sahma vaw pathleih ha ta, aly thapha kawpa ta ama chhôhkha hro chhao ama hmâh ha hra tahpa a kei hmôpa cha, aly thaphana vâta pua a ngiahma khaipa ta a paw cha a kei pyhpa ta, thaphana lyuhbie ama reikhoh thei ha hra. Ama O chhôh hro â vaw thla khai hapa chata athata alyna pie ta. Chatanachata, a paw hrozie parohpa rohpadyna chôta Hlaphôh pha kawpa :
Zisu hnei ei khoh via ryu sôh chaipa hlâ
A eih châ ei khoh, khizaw sôh zydua hlâ,
Zisu hnei ei khoh via, râh nah O hlâta
A ku thuakhai hmahdawh ta chhihtha ei tly
tahpa ta.
He Rhea ta Hlaphôh a ropa he New York liata O miakha liata *Piano* chôta liata tawh ei ta. He *Pianô* tôtuhpa, kô 23 ta uhtheipa, pyungiapa tô thai kawpa nata hlasathaipa, *George Beverly Shea* ta hmôpa ta, a pha a tahtu hapa vâta, *Hlaphôh* cha a aony taopa ta, hla lâta a palie hapa a châ. Hla aony vaw taopa ta, a vaw sapa cha, chôhkâ lâta beihchhoh haipa *George Beverly Shea* nô chata vaw nahthliepa ta, a palôh a pahnie kawpa vâta chôhkâ tawhta vaw puapa ta, *Pianô* tôpa ta hlasa haipa a sawchapaw hnohna chata, *Cha hla cha Abeipanoh apakhyna liata sa awpa ta* a chhopâ hapa a châ.
George he US liata Media Company lai kawpa, *NBC* ry liata *Pyungiapa tawhta sôh hluhpi hmô theina* _contract_ rokhei awpa ta hruana hmô ta. Châhrasala he hla heta a palôh pananopa ta, he daihti nota Khazohpa Biechhotuhpa thyudyu kaw chy hrapa, *Billy Graham* hnôhpazipa ta chakaona raihria awpa cha â tlyh via ha.
He Hla heta atanoh taihta chyhsa palôh liata bierei pazao lymâ ta; palôh pazao ta, a aony palôh a kei kawpa nata, a hlabie palôh pahnie kawpazy vâna heta *Hla hmotaotheina a hneipa* tah leithei'pa châ vei.
 |
| Pic : Rhea F.Miller |
A paw he sahma zoh kawpa châ ta, sahma a dohpa nata a paripa dei châ leipa ta, O chhôh liata buana a taopâ tyhpa chata a chhôhkhazy hro rie a pathei ngaita tyh. Pihnô Miller-chata, "Sôhthih nata hmohropa liata a phahla kawpa hnei hra v'ei sihla, eima O chhôh cha hriena su hawh tlupo ta riethei a chhihpa a châ," a vaw tahpâ ngâkaw. He hawhta a paw hmotao tyhpa pha lei kawpa vâta hro rietheichhih kawpa ry liata laiseih lymâpa ta, vaw laihsa ta. He nona heta satlia *Howard Vassar Miller*-nahta a tyh pasupa ta, kyhpachâna tilih liata tlapa ta, hrochhôh a kao khoh awpa ta amâ hnei hapa a châ.
Kô 1922 khata Rhea F.Miller cha kô 28 ta uhtheipa vaw châ ha hra ta, a laiseihna O a kei chahryh heina daihti liata deikua, a paw chata sahma vaw pathleih ha ta, aly thapha kawpa ta ama chhôhkha hro chhao ama hmâh ha hra tahpa a kei hmôpa cha, aly thaphana vâta pua a ngiahma khaipa ta a paw cha a kei pyhpa ta, thaphana lyuhbie ama reikhoh thei ha hra. Ama O chhôh hro â vaw thla khai hapa chata athata alyna pie ta. Chatanachata, a paw hrozie parohpa rohpadyna chôta Hlaphôh pha kawpa :
Zisu hnei ei khoh via ryu sôh chaipa hlâ
A eih châ ei khoh, khizaw sôh zydua hlâ,
Zisu hnei ei khoh via, râh nah O hlâta
A ku thuakhai hmahdawh ta chhihtha ei tly
tahpa ta.
He Rhea ta Hlaphôh a ropa he New York liata O miakha liata *Piano* chôta liata tawh ei ta. He *Pianô* tôtuhpa, kô 23 ta uhtheipa, pyungiapa tô thai kawpa nata hlasathaipa, *George Beverly Shea* ta hmôpa ta, a pha a tahtu hapa vâta, *Hlaphôh* cha a aony taopa ta, hla lâta a palie hapa a châ. Hla aony vaw taopa ta, a vaw sapa cha, chôhkâ lâta beihchhoh haipa *George Beverly Shea* nô chata vaw nahthliepa ta, a palôh a pahnie kawpa vâta chôhkâ tawhta vaw puapa ta, *Pianô* tôpa ta hlasa haipa a sawchapaw hnohna chata, *Cha hla cha Abeipanoh apakhyna liata sa awpa ta* a chhopâ hapa a châ.
George he US liata Media Company lai kawpa, *NBC* ry liata *Pyungiapa tawhta sôh hluhpi hmô theina* _contract_ rokhei awpa ta hruana hmô ta. Châhrasala he hla heta a palôh pananopa ta, he daihti nota Khazohpa Biechhotuhpa thyudyu kaw chy hrapa, *Billy Graham* hnôhpazipa ta chakaona raihria awpa cha â tlyh via ha.
He Hla heta atanoh taihta chyhsa palôh liata bierei pazao lymâ ta; palôh pazao ta, a aony palôh a kei kawpa nata, a hlabie palôh pahnie kawpazy vâna heta *Hla hmotaotheina a hneipa* tah leithei'pa châ vei.
No comments