Puhpa N.Chakhai, MCS ta Puhpa Hiphei (L) a pathliena he vaw reih hra tua ma y..
( Puhpa N.Chakhai ta a FB Wall liata a ropa, ei theina rakha ta ei Edit-pa châ ta; Puhpa N.Chakhai heta a pasaih thlâh ha na ta ei hnabeiseih)
Machâ Hiphei, Ex.MRC, P-L Regional Council, Ex.MLA &MP(R) Marapa kôpipa tlie ta, lytlâh miah a khôsai haw!
Machá Hiphei he ei pahno tua nota cha MZ. Hiphei tahpa ta ei pahno. Cha nota cha MFP (Mara Freedom Party) a lochono kha châ ta, ano kha OB pakha a châpa ta ei pahno.
P-L Regional Council MFP ta ama boycot hapa term liana khata No-aotlâh Constituency tawhta a tlyhpa châ ta, thlaita a bâh (resigned)-pâ ha.
Râhbua chhôh kha cha M.E.School liazy ta Head Master-zy ta y ta, pachuna a pie thai ngâsâpa ta ama reih.
Kô 1971? tawhta chhôhkha pawhrâhpa châna chôta B.A (Hon,Eng) Shillong liata achu ta, patlô hmâ leipa ta Mizoram U.T MLA Election hmiatua chaipa liata aduah (contest) awpa ta a kaw pua.
Campaign ta a sie nota ano pohtyh cha ano tlaita phaoh ta, Amôbyuh (B) nata (CH) likah liata a tyh pi ta; Atanoh cha ei mothlaw liata â vaw lâ ngâkaw.
He term liana heta Dy. Speaker châ ta, Puhpa K.Laihei, B.A (L) kha a P.S tuapa châ ta, a hnôh lâta Puhpa L.Patha, B.A kha a châ heih.
Kô 1972 liata Gov't High School liata eimâ chu nota Puhpa L.V.Hlychho (Valua Hlychho) (L), Head Master-ta School hawtinah hnohta biereih awpa ta hrua ta, "Atanohta School hawtinahzy he mylâ-hâhnohta râh nôpawpa nata rai laipazy a hria awpa châ ei chi ta, chavâta nama daihti nata hrozie pakhâta ta hmâh muh vy" tahpa ta reih ta, a biereipazy a pha ngâsâ.
Puhpa Hiphei he duahmo a sâh kawpa duahmo liata â dua no chhaota a reisi ngâsâ ta, a palai leipa ta a papipawsa hra beih vei.
Duahmo pha kawpa nata a ngiatlâh liata maophaohna a sâh kawpa a chaba nota a vâ deikua a dua kaw tyh. A paw ri kiah hmâ leipa ta, a nô chhao. Kô 1980/1981 Delhi lâ râh châta a sie chhôhta a pahâ ta, Guwahati Aiport liata ei za dy hra.
Mizoram House, Shillong lia tlô ta, a palôh â lie ngâsâ ta, a palôh a pasa hmeiseih. A zozâ-khideih a mô leipa ta thlah deikua a chhâ ngâthlâh ha. Kei hra reikah thai tlôh leipa na ta, a thlah palôh n'awpa bierei'pa pahno vana. Ei ngia deikua na chhie ta khih tlâ ei padeih hra. He no tawh heta Khazohpa â ngiapâzie chhao ei pahnopasia kaw.
Saw papangawh (5), chapaw 3 nata chanô 2 hnei ta, a sawchapaw zydua ta 1997 lia khata cha ama pahâsai khai ha! A sawchapaw uhtheipa, Puhpa Khaihra Choza kha 1991 batch MCS a châ. Puhpa Pawhra kha MTP zachhih ngâsâpa ta a siekhei tuachaituhpa a châ. MTP châta cha Keihpi a châ, nohhâh chhao a y hra.
Puhpa Hiphei he he hawhpa chyhsa châhrasala a daihti chhâna lâ, a Politics lâthlôh deikua palâh khao leipa ta. 'A viahchhâ nietuhpazy cha a chariah lâta amâ lie haw,' tahpa biephôh hawhta, INC MLA ticket dâhdei to khao vei. Chatana chôta a lôh rie chaipa Marasawzy châta biehneina lai viapa nata pha viapa parikhei ta, a chhâ a palokhei ha he zaw!
Marapasaw ano tluta bierei thaipa he ama pih khao vâ ma?
A thi daihti hra *lockdown* nahta achhyh ta, a ri kiah ta zi thei'pa dâhdei châ vâ. Marapa zawpi thapasatuhpa nata ari a kiah khoh awpa zydua chhao eima tao thei tlâ khao vei he zaw!. Cha palôh a pasa rimâ chy! Mara kôpi miah a tliesai ha he zaw! Thlah â vaw hua hmeiseih .
A siesaipa a lahpi, saw, samoh nata sachhih, Mara Awnanopa nata a kyhpachâpa Marapa zydua Abeipa ta thlahlôhna pie sala, cha-ao lymâ mawh sy.
 uh Pawhrâpaw, lôhhiah leipa ta va sie la, chhaolei chhâzô châta a tlâhpa ta mâpha..
Machâ Hiphei, Ex.MRC, P-L Regional Council, Ex.MLA &MP(R) Marapa kôpipa tlie ta, lytlâh miah a khôsai haw!
Machá Hiphei he ei pahno tua nota cha MZ. Hiphei tahpa ta ei pahno. Cha nota cha MFP (Mara Freedom Party) a lochono kha châ ta, ano kha OB pakha a châpa ta ei pahno.
P-L Regional Council MFP ta ama boycot hapa term liana khata No-aotlâh Constituency tawhta a tlyhpa châ ta, thlaita a bâh (resigned)-pâ ha.
Râhbua chhôh kha cha M.E.School liazy ta Head Master-zy ta y ta, pachuna a pie thai ngâsâpa ta ama reih.
Kô 1971? tawhta chhôhkha pawhrâhpa châna chôta B.A (Hon,Eng) Shillong liata achu ta, patlô hmâ leipa ta Mizoram U.T MLA Election hmiatua chaipa liata aduah (contest) awpa ta a kaw pua.
Campaign ta a sie nota ano pohtyh cha ano tlaita phaoh ta, Amôbyuh (B) nata (CH) likah liata a tyh pi ta; Atanoh cha ei mothlaw liata â vaw lâ ngâkaw.
He term liana heta Dy. Speaker châ ta, Puhpa K.Laihei, B.A (L) kha a P.S tuapa châ ta, a hnôh lâta Puhpa L.Patha, B.A kha a châ heih.
Kô 1972 liata Gov't High School liata eimâ chu nota Puhpa L.V.Hlychho (Valua Hlychho) (L), Head Master-ta School hawtinah hnohta biereih awpa ta hrua ta, "Atanohta School hawtinahzy he mylâ-hâhnohta râh nôpawpa nata rai laipazy a hria awpa châ ei chi ta, chavâta nama daihti nata hrozie pakhâta ta hmâh muh vy" tahpa ta reih ta, a biereipazy a pha ngâsâ.
Puhpa Hiphei he duahmo a sâh kawpa duahmo liata â dua no chhaota a reisi ngâsâ ta, a palai leipa ta a papipawsa hra beih vei.
Duahmo pha kawpa nata a ngiatlâh liata maophaohna a sâh kawpa a chaba nota a vâ deikua a dua kaw tyh. A paw ri kiah hmâ leipa ta, a nô chhao. Kô 1980/1981 Delhi lâ râh châta a sie chhôhta a pahâ ta, Guwahati Aiport liata ei za dy hra.
Mizoram House, Shillong lia tlô ta, a palôh â lie ngâsâ ta, a palôh a pasa hmeiseih. A zozâ-khideih a mô leipa ta thlah deikua a chhâ ngâthlâh ha. Kei hra reikah thai tlôh leipa na ta, a thlah palôh n'awpa bierei'pa pahno vana. Ei ngia deikua na chhie ta khih tlâ ei padeih hra. He no tawh heta Khazohpa â ngiapâzie chhao ei pahnopasia kaw.
Saw papangawh (5), chapaw 3 nata chanô 2 hnei ta, a sawchapaw zydua ta 1997 lia khata cha ama pahâsai khai ha! A sawchapaw uhtheipa, Puhpa Khaihra Choza kha 1991 batch MCS a châ. Puhpa Pawhra kha MTP zachhih ngâsâpa ta a siekhei tuachaituhpa a châ. MTP châta cha Keihpi a châ, nohhâh chhao a y hra.
Puhpa Hiphei he he hawhpa chyhsa châhrasala a daihti chhâna lâ, a Politics lâthlôh deikua palâh khao leipa ta. 'A viahchhâ nietuhpazy cha a chariah lâta amâ lie haw,' tahpa biephôh hawhta, INC MLA ticket dâhdei to khao vei. Chatana chôta a lôh rie chaipa Marasawzy châta biehneina lai viapa nata pha viapa parikhei ta, a chhâ a palokhei ha he zaw!
Marapasaw ano tluta bierei thaipa he ama pih khao vâ ma?
A thi daihti hra *lockdown* nahta achhyh ta, a ri kiah ta zi thei'pa dâhdei châ vâ. Marapa zawpi thapasatuhpa nata ari a kiah khoh awpa zydua chhao eima tao thei tlâ khao vei he zaw!. Cha palôh a pasa rimâ chy! Mara kôpi miah a tliesai ha he zaw! Thlah â vaw hua hmeiseih .
A siesaipa a lahpi, saw, samoh nata sachhih, Mara Awnanopa nata a kyhpachâpa Marapa zydua Abeipa ta thlahlôhna pie sala, cha-ao lymâ mawh sy.
 uh Pawhrâpaw, lôhhiah leipa ta va sie la, chhaolei chhâzô châta a tlâhpa ta mâpha..
No comments