Mizoram liata Biechhotuhpa alâluahpa Frederick motor ta a piepasi

Mizoram liata Khazohpa biechhotuhpa alâluahpa, Satlia Frederick zy cha Mizoram nata Assam râhrina liata thlah ama za chhâ khai tawhta amá kaw liena lâ, atamy (Pachawh noh 2, 2020) dawh 6:15Am rachhôh khata Rangvamual, Aizawl lâthlôh (four lane) laikathi lâ ama motor a hluahpa ta a piepasi ei ta, ama motor liana heta chyhsa 4 kiahpa ta, hrona pahlei deikua ama y leipa hawhta eima biehnawhta a palâsa.

Biehnawhta a palâsana liata, ama kiana motor he lâthlôh laikathi lâ he metre 300 rachhôh â hluahpa hawhta palâsapa châ ta. Hrona pahleipa ama y taraw leipa ta, Satlia Frederick nata ama team Deputy Speaker zy he amâ chhuh pasa viapa ta pahnopa châ ta, he thâtih pachhuahpanoh hai nona heta bie amâ chho thei ha, Aizawl Civil Hospital Casualty lâ ngaikhei hapa ama châ.

Satlia Frederick nata a team zy he atahmâ nota Mizoram su nano nanopa liata thlahpa nata sapa patlâhna chakaona raihriatuhpa châ ei ta; zâkô lã khata Siaha khihpi liata chhao ama vaw chakao ha hra.

Khazohpa hnohta tlâhna hiakhei chyu suh vy..

(https://www.facebook.com/photo.php?fbid=1225652551159444&set=gm.2852046438236592&type=3&eid=ARBuGSOYjLIb27ZPMskIbT1k9YPPMACazZlW9CAqz-8Be7rC9NQNfx1E98K6vi2kOWJX9keb3NeJ9bP_&ifg=1)