Connor McGregor ta UFC â pahâsai tahpa a phuah ha heih!

Kô 4 chhôhta a ei 3-na awpa ta, Irish chapaw chhyupa Conor McGregor chata ‘Atutâpa cha’ â pahâsai ha, tahpa a phuah ha heih.

Ireland machhyupa, UFC ataopasuana Weight mia 2 liata ‘champion’-pa, kô 31-ta uhtheipa heta UFC liata a châh chhôhta ei 22 pahniena topa ta, ei 4 pahniepa ta a y hra.

UFC liata â luah hnôh chaina cha Nawh, 2020 liata ‘Second 40’ chhôhta American Donald 'Cowboy' Cerrone a pahniena kha châ ta. Kô 2016 nata kô 2019 khata UFC â pahâsai ha, tahpa vaw phuah ha ta; anodeikua ei 2 tlai a vaw kua ha heihpa kha a châ.

UFC lia dei châ leipa ta, McGregor heta kô 2017 liana khata Boxing khizaw liata Weight 5 liata chaisaina a sai haituhpa, Floyd Mayweather cha Boxing liata vaw hmiachhy ha ta, anodeikua pahniepa a châ.

Connor heta Atanoh khata Twitter liata atutâpa cha â pahâsai ha tahpa tawhpapuapa ta, "Kadua saih u, atutâpa he ei pahâsai ha bâ” tahpa ta tawhpapuapa ta, "Kha daihti pha kawpazy vâna khata alynabie ei cha hlâ ei! Khitlyna atheitlâh tlaina a châ!" a tah hra.

McGregor hro liata chhutla nata chakhâzy :

McGregor heta kô 2013 khata Cage Warriors champion châ haipa ta UFC liata a vaw ngia ta, daihti rei leipa chhôhta UFC chaisaina mia 2 - featherweight nata lightweight liata â saipâ ha, UFC liata weight 2 liata champion thei tua chaipa a châ hra.

Kô 2016 liana khata UFC tawhta â pahâpa ta, kô 2018 Phiata liana khata vaw kua heihpa ta UFC lightweight chaisaina achhuna liata Khabib Nurmagomedov pahnie leipa ta. Anodeikua, atakô kôthaona liata deikua American Cerrone cha Second 40 chhôhta pahniepa ta, ziza a tao kaw heih.

Atakô Patô thlâpâ liana khata, McGregor heta UFC khizaw liata biethâh, a eichhiana pahluh kawpa pathlisa heihpa ta, khizaw liata ‘Ultimate Fighter’ rônah chaipa panona, â tahpa ta, pakhana cha Brazilian Anderson Silva, a châ, tahpa ta, UFC â pahâsai hlâta Silva chhao he a naosia kawpa ta a chhao thei aw, a tah hra.

Kô 2018 khata UFC Fighter-zy kiana Bus a tlahnaopa vâta, a chô liata hriena chaluahpa châ ta. Pamih, 2019, khata McGregor heta Miami liata ano pasâhsatuhpa pakha ta a nohthlahpa la awpa â chhuahpa cha a ‘Phone’ lapa ta, alei liata taikhypa ta, he vâna heta ama vaw patu ha heih hra.

He chyhsa he, chyhsa  a phawhlawpa nata, ialia kawpa châ ta; UFC liana heta a vaw kua thlâh ha heih pyly thlyu aw.