India ta Covid-19 hri a kiahpa ama hluh chaina daihti a tyh mâh vei – Director, AIIMS
All
India Institute of Medical Sciences (AIIMS) Director, Dr Randeep Guleria chata
India râhta Covid-19 hri a kiahpa ama hluh chaina daihti tlô mâh vei, a vaw tlô
aw, a ta. India Today TV ta amâ pakyhna liata, Dr Guleria chata Covid-19 hri a
kiahpa ama hluh chaina daihti cha, India state nano nanopazy ta daihti nano
nanopa liata amâ tyh thlâh ha thei, a tah hra.
Dr Randeep Guleria chata akhawhlôhna (Lockdown) eima siekheipa kha a pha kaw raohpa ta, “Covid-19 hri a kiahpa zie kohkina kyh liata deikua yzie hnei tu thlyu vei" a ta.
Dr Guleria chata, "Hri a chahra chaina daihti deikua tlô mâh ma pi. Eima râh maluh zie pachâpa ta la atahmâ duasu liata hri a kiahpa eima pôh lymâpa he hmo anano kawpa muarua châ hlei vei. European râh hropazy nahta India he la pakhopâ thaipa châ vei. European countries. Europe râh thokha maluh pahlyhpakhypa zie hlâta India maluh he eima hluh via," tahpa ta "Europe hlâta deikua he pasana vâta hrona a pahleipa zie he eima chyh via syulyu" a tah hra.
Akhawhlôhna pahluh pathao hapa a châpa cha a daihti a châ mâh tlai ma, tahpa ta ama hiahrihna cha Dr Randeep Guleria chata akhawhlôhna cha a hlaotloh kaw raohpa ta, pasana hri a kiahpa zie deikua pachyhsa via muarua vei, tahpa ta, "Zawpi ta akhawhlôhna he ama zyh pha kaw awpa hawhta zyh pha tu muarua leipa ei ta, he vâna heta eima râh sôh duasu mopâpa ta he sawhkhâ biepiepazy he zyh phapa ta, chyhsa sipasa viapazy khâsiana lâchhâh chhao eima pachâ peimawh awpa â ngiah" tahpa AIIMS Director heta a rei hra. India Today heta Dr Guleria cha India râh chhôh su nano nanopa thohna-O zy liata rakhô nata husona (Ventilators) adaihkhyhleina a y haipa cha kheita hmahla awpa ma a châ, tahpa ama hiahrihna cha. To which, Dr Guleria chata, he kyh liata ryhraona (Plan) y chiehpazy cha panano awpa â ngiah, tahpa ta, “Pasana a lâpapuana dâh zie-y viapazy cha thohna-O liata so cheingei a ngiah vei ei. Eimâ tyh ha chiehpa tawhta hmo a lâpasia kawpa cha he hawhpa, pasana a lâpapuana dâh paru muarua leipazy cha âmo khota ama tlâh papua thlâh ha heih. He hawhpazy heta cha a pasa paru viapazy châta rakhô ama tleihai awpa â ngiah” a tah hra.
No comments