Covid-19 vâta thina a tlô theipa zie pachyhsa theituhpa thohna 'dexamethasone'
BBC : Coronavirus vâta pasa paru kawpazy cha thohna mâ nao kawpa, a nao kawpa ta hmô theipa a châ tlôhpa hmâpa ta ama hrona pachha theipa a châ, tahpa UK thohna thaipa (Expert)-zy ta ama phuah.
Thohna miakha, 'dexamethasone' ama tahpa cha Coronavirus adyuhna châta thohna phapa a châ tahpa, UK thohna thaipazy heta reih ei ta.
He thohna he coronavirus pasana hri a kiahpazy mohôhna châta a pha nata pha lei mopachhi awpa thohna amâ tlyhpa hryta a hlao hrapa a châ.
He thohna ta mohôhpa, Husona (Ventilator) hmâhpa tlâhleipa hryta thina cha a su thôh ta pachyhsa ta. Oxygen pie haipa tlâhleipazy thina chhao, a su pangawh ta a pachyh via hra, ama ta.
UK liata thohna thaipazy chata, he thohna he UK liata Potlana (Pandemic) â thao tua no tawhna khata hmâ hapa châ mawh sala cha, chyhsa 5000 tlai hrona pachhapa a châ hmâ ha aw, ama ta.
He thohna he râh riethei viapa, Covid-19 pasana a kiahpa hluhna râh châta cha byhnâ a châ thei kaw na ta ama pangiasa hra.
He thohna hmâpa ta mohôhpa, Covid-19 hri kiahpa 20 hryta 19 zy cha thohna-O a ngiakhei a ngiah leipa ta ama tlâh ha heihpa ta reipa a châ.
He thohna achupasiatuhpa, Oxford University liatapazy chata tlâhleipa, thohna-O liata mohôh haipa 2,000 rachhôhzy cha 'dexamethasone' thohna he pie ei ta; he thohna ta mohôh leipa tlâhleipa 4,000 zy nahta ama chhichâna mohpasia ei ta.
Ama hmôpapuapa cha - he thohna hmâpa ta mohôhpa, husona (Ventilator) hmâpazy thi theina zie cha 40% tawhta 28% lâta pachyh ta. Tlâhleipa Oxygen a ngiahpazy thi theina zie cha, 25% tawhta 20% lâta a pachyh, tahpa ama hmôpapua.
Chief investigator Prof Peter Horby chata : "He thohna he Covid-19 vâta thina a tlô theina zie pachyhsa theipa thohna a y chhôhpa châ chy ta - he pasana vâta thina tlô theina zie athata a pachyh. He Covid-19 adyuhna kyh liata hlaotlohna lai kawpa a châ."a ta.
He achupasiana liata hyutuh chaipa - Prof Martin Landray cha ventilator ta mohôh haipa, tlâhleipa pasa paru kawpa 8 lymâ liata pakha cha he thohna heta a pachha thei, tahpa palâsa ta. Oxygen ta mohôhpa tlâhleipa 20-25 liata pakha lymâ cha he thohna heta na pachha thei tahna a châ, a ta.
"He thohna pha pachaih heihna cha. Noh 10 chhôh châra he thohna, 'dexamethasone' hmâna mâ he tlâhleipa pakha liata £5 deita a châ. Cha yzie cha £35 ta hrona eima pachha thei tahna a châ. He thohna he khizaw su to liata a nao kawpa ta hmô theipa a châ hra" a ta.
Covid-19 mohôhna châta thohna pha awpa mopachhina he Pamih thla tawhna khata siekheipa châ ha ta. Thohna mopachhipa hry liana heta malaria thohna 'hydroxychloroquine' nata 'remdesivir' chhao a hlao ta. 'Hydrochloroquine' he husona lâchhâh pabua ta, thina a papôh tahpa ta pha vei, tah ha ei ta; 'remdesevir' deikua hmâhtlâh a châpa hawhta reipa châ ta, UK liata NHS zy ta ama hmâh ha hra.
He hawhta thohna mâ naopa nata, hmô ru leipa, 'dexamethasone' ta Covid-19 vâta thi thei awpa zie a pachyhsa via, tahpa hmôpapuapa heta athata Covid-19 vâta nôpo haipazy palôh tha a padâh tlai aw.
BBC liata ama rona dâh reih khohpa châta Link he a ngia la, reih ma y :
https://www.bbc.com/news/health-53061281?at_custom3=BBC+News&at_custom1=%5Bpost+type%5D&at_custom2=facebook_page&at_custom4=BC00204A-AFC9-11EA-990C-EA6D96E8478F&at_campaign=64&at_medium=custom7&fbclid=IwAR0lMNM9YjDcpwtRnwD-mIZpAuY5DenuyEuBrghkuZyBqPpBabKTpFJlWO8&fbclid=IwAR0vn6OzsL9Y5iJl7DkA3edegORtZ_X5FLIZ0ulrbwX5DKhAGmpNCN87aC4
He thohna he coronavirus pasana hri a kiahpazy mohôhna châta a pha nata pha lei mopachhi awpa thohna amâ tlyhpa hryta a hlao hrapa a châ.
He thohna ta mohôhpa, Husona (Ventilator) hmâhpa tlâhleipa hryta thina cha a su thôh ta pachyhsa ta. Oxygen pie haipa tlâhleipazy thina chhao, a su pangawh ta a pachyh via hra, ama ta.
UK liata thohna thaipazy chata, he thohna he UK liata Potlana (Pandemic) â thao tua no tawhna khata hmâ hapa châ mawh sala cha, chyhsa 5000 tlai hrona pachhapa a châ hmâ ha aw, ama ta.
He thohna he râh riethei viapa, Covid-19 pasana a kiahpa hluhna râh châta cha byhnâ a châ thei kaw na ta ama pangiasa hra.
He thohna hmâpa ta mohôhpa, Covid-19 hri kiahpa 20 hryta 19 zy cha thohna-O a ngiakhei a ngiah leipa ta ama tlâh ha heihpa ta reipa a châ.
He thohna achupasiatuhpa, Oxford University liatapazy chata tlâhleipa, thohna-O liata mohôh haipa 2,000 rachhôhzy cha 'dexamethasone' thohna he pie ei ta; he thohna ta mohôh leipa tlâhleipa 4,000 zy nahta ama chhichâna mohpasia ei ta.
Ama hmôpapuapa cha - he thohna hmâpa ta mohôhpa, husona (Ventilator) hmâpazy thi theina zie cha 40% tawhta 28% lâta pachyh ta. Tlâhleipa Oxygen a ngiahpazy thi theina zie cha, 25% tawhta 20% lâta a pachyh, tahpa ama hmôpapua.
Chief investigator Prof Peter Horby chata : "He thohna he Covid-19 vâta thina a tlô theina zie pachyhsa theipa thohna a y chhôhpa châ chy ta - he pasana vâta thina tlô theina zie athata a pachyh. He Covid-19 adyuhna kyh liata hlaotlohna lai kawpa a châ."a ta.
He achupasiana liata hyutuh chaipa - Prof Martin Landray cha ventilator ta mohôh haipa, tlâhleipa pasa paru kawpa 8 lymâ liata pakha cha he thohna heta a pachha thei, tahpa palâsa ta. Oxygen ta mohôhpa tlâhleipa 20-25 liata pakha lymâ cha he thohna heta na pachha thei tahna a châ, a ta.
"He thohna pha pachaih heihna cha. Noh 10 chhôh châra he thohna, 'dexamethasone' hmâna mâ he tlâhleipa pakha liata £5 deita a châ. Cha yzie cha £35 ta hrona eima pachha thei tahna a châ. He thohna he khizaw su to liata a nao kawpa ta hmô theipa a châ hra" a ta.
Covid-19 mohôhna châta thohna pha awpa mopachhina he Pamih thla tawhna khata siekheipa châ ha ta. Thohna mopachhipa hry liana heta malaria thohna 'hydroxychloroquine' nata 'remdesivir' chhao a hlao ta. 'Hydrochloroquine' he husona lâchhâh pabua ta, thina a papôh tahpa ta pha vei, tah ha ei ta; 'remdesevir' deikua hmâhtlâh a châpa hawhta reipa châ ta, UK liata NHS zy ta ama hmâh ha hra.
He hawhta thohna mâ naopa nata, hmô ru leipa, 'dexamethasone' ta Covid-19 vâta thi thei awpa zie a pachyhsa via, tahpa hmôpapuapa heta athata Covid-19 vâta nôpo haipazy palôh tha a padâh tlai aw.
BBC liata ama rona dâh reih khohpa châta Link he a ngia la, reih ma y :
https://www.bbc.com/news/health-53061281?at_custom3=BBC+News&at_custom1=%5Bpost+type%5D&at_custom2=facebook_page&at_custom4=BC00204A-AFC9-11EA-990C-EA6D96E8478F&at_campaign=64&at_medium=custom7&fbclid=IwAR0lMNM9YjDcpwtRnwD-mIZpAuY5DenuyEuBrghkuZyBqPpBabKTpFJlWO8&fbclid=IwAR0vn6OzsL9Y5iJl7DkA3edegORtZ_X5FLIZ0ulrbwX5DKhAGmpNCN87aC4
No comments