India nata China pheisaih atlahnaona liata India pheisaih 20 ama thi
India nata China râhrina, Galwan Valley, Ladakh liata zâhnia Hriatuazâ liata India pheisaih nata China pheisaihzy atlahnaona liata, India pheisaih 20 - Colonel-rank officer pakha nata pheisaih vâro ta hrona ama pahlei. He Officer hrona a pahleipa he India pheisaih battalion kha (Infantry Army) hyutuhpa a châ. He hmo he râh nopazy ta Line of Actual Control (LAC), Ladakh nochhi liata ziza sah kawpa padia awpa ta hmah ama la lichih châ ta, he hawhta hrona taihta pahleina atlahnaona heta ziza a pasah via rili lymâ hai. China pheisaih lâ chhao he 43 rachhôh ama thi hrapa ta reipa a châ hra.
India pheisaih ta he kyh ama palâsana liata ama reinazie ta cha, "Galwan Valley liata ziza sah kawpa padia awpa ta hmahlana siekheipa a châ hai nota, Hriatuazâ khata he hawhta tharôh hmâpa ta atlahnaona he a tlô hapa a châ. India pheisaih lâ he Officer nata, pheisaih syno ta hrona ama pahlei" tahpa ta, râh nopa pheisaih hyutuhpazy cha he hmo tlôna su liana heta ziza padia awpa ta amâ hmô, tahpa ama palâsa hra.
He thâtih pachhuahpanoh hai nona heta khâpa vâta he hawhta atlahnaopa ma ama châ, tahpa palâsapa châ leipa ta. Defence ministry lâ tawhta India Today TV ama chhona liata cha, he atlahnaona liana heta meithei papapa châ leipa ta. Râh nopa pheisaihzy he alô nata thua chhaichhi zy hmâpa ta ama tlahnao. He liata hmah ama hmôpazy cha ama thikhei hapa a châ, ama ta.
He hawhta a châ nona heta, New Delhi liata, Defence Minister Rajnath Singh ta Chief of Defence Staff General Bipin Rawat hleikhôta, pheisaih luhpa 3 nata External Affairs Minister S Jaishankar zy cha Ladakh liata hmo tlôpa a reikhei.
He hawhta a châ nona heta, China ta India cha râhri chakapa hawhta bai ta. AFP ta ama palâsana liata cha China ta he hmo tlôpa he pasia ha hra tlai ta, India cha râhri chakapa ta Chinese pheisaihzy tlahnaopa hawhta a bai.
AFP ta ama palâsa lymâna liata cha, Chinese foreign ministry biephuahtuhpa Zhao Lijian ta, "India pheisaihzy ta râhri ei no tlai vaw chaka ei ta...Chinese pheisaihzy ama vaw pabuapa vãta, tharô ta atlahnaona he a tlô hapa a châ."a ta.
India pheisaih ta he kyh ama palâsana liata ama reinazie ta cha, "Galwan Valley liata ziza sah kawpa padia awpa ta hmahlana siekheipa a châ hai nota, Hriatuazâ khata he hawhta tharôh hmâpa ta atlahnaona he a tlô hapa a châ. India pheisaih lâ he Officer nata, pheisaih syno ta hrona ama pahlei" tahpa ta, râh nopa pheisaih hyutuhpazy cha he hmo tlôna su liana heta ziza padia awpa ta amâ hmô, tahpa ama palâsa hra.
He thâtih pachhuahpanoh hai nona heta khâpa vâta he hawhta atlahnaopa ma ama châ, tahpa palâsapa châ leipa ta. Defence ministry lâ tawhta India Today TV ama chhona liata cha, he atlahnaona liana heta meithei papapa châ leipa ta. Râh nopa pheisaihzy he alô nata thua chhaichhi zy hmâpa ta ama tlahnao. He liata hmah ama hmôpazy cha ama thikhei hapa a châ, ama ta.
He hawhta a châ nona heta, New Delhi liata, Defence Minister Rajnath Singh ta Chief of Defence Staff General Bipin Rawat hleikhôta, pheisaih luhpa 3 nata External Affairs Minister S Jaishankar zy cha Ladakh liata hmo tlôpa a reikhei.
He hawhta a châ nona heta, China ta India cha râhri chakapa hawhta bai ta. AFP ta ama palâsana liata cha China ta he hmo tlôpa he pasia ha hra tlai ta, India cha râhri chakapa ta Chinese pheisaihzy tlahnaopa hawhta a bai.
AFP ta ama palâsa lymâna liata cha, Chinese foreign ministry biephuahtuhpa Zhao Lijian ta, "India pheisaihzy ta râhri ei no tlai vaw chaka ei ta...Chinese pheisaihzy ama vaw pabuapa vãta, tharô ta atlahnaona he a tlô hapa a châ."a ta.
No comments