TAMIL NADU : Chennai nata District 3 liata 'Total Lockdown' a pachyu kawpa ta siekhei aw
Chennai: Covid-19 hri kiahpa ama pôh via lymâpa vâta kohkina siekhei via awpa ta, Tamil Nadu chata Chennai khihpi nata District hropa 3 - Thiruvallur, Kancheepuram nata Chengalpattu district-zy liata, târi 19 Chhiepa tawhta noh 30 Chhiepa taihta Akhawhlôhna (Total Lockdown) a siekhei aw.
Tamil Nadu he Maharashtra pazipa ta India râh liata Covid-19 hri kiahpa ama hluh chaina châ hai ta - sawhkhâ ta akohkina nano nanopa a tao tarawpa hri kiahpa deikua ama pôh via lymâ.
Tamil Nadu liata Covid-19 hri-ohpa zydua 44,661 tawhta zakha liata 70 cha ama khihpi Chennai liatapa châ ei ta, hri he rietheipazy pahrâna (Slum) liata a chahra pachaih. Abeipanoh khata Chennai liata hri-ohpa hmôpapua chhipa chyhsa 1,415 y ei ta, henah chhao heta atahmâ duasu liata thohna-O liata 31,896 mohôh haipa ama châ.
Tamil Nadu sawhkhâ ta Chennai nata a chhepâh District 3 zy liata akhawhlôhna a phuahpa he pachyu kaw aw ta, zawpi ahlaihlâna chaipa - taxi zy, auto rickshaw zy nata sawhkhâ mohôhpa a châ leipa zawpi ahlaihlâna châta hmâpa ahluahtheipa rai rai pakhâ khaipa a châ. Zawpizy cha ama yna bia chhôh, km 2 ôna chhôh chyu liana ngâlâhta hmo chalei pasaipa châ ei ta. Thohna-O, laboratory nata thohna daoh zy ngâlâh pahy pasaipa a châ aw.
Bank-zy chhao noh 2 chhôh - Chhiepa noh 29 nata noh 30 liata pahy thei aw ei ta, hriatuhpa zakha liata 33 ngâlâh ama kiah thei aw.
Nohto angiahpa zuana daoh - sâhpiti, âhnalasi nata theilâpa zuana daoh zy, mobile phone peimawhpa zuana daoh tatawpa zy, niebaw zuana daoh zy deikua pahypa châ aw ta. Petrol pump zy chhao my dawh 6 am nata zâlâ dawh 4 pm likah chhôh pahy pasaihpa a châ aw.
Tamil Nadu he Maharashtra pazipa ta India râh liata Covid-19 hri kiahpa ama hluh chaina châ hai ta - sawhkhâ ta akohkina nano nanopa a tao tarawpa hri kiahpa deikua ama pôh via lymâ.
Tamil Nadu liata Covid-19 hri-ohpa zydua 44,661 tawhta zakha liata 70 cha ama khihpi Chennai liatapa châ ei ta, hri he rietheipazy pahrâna (Slum) liata a chahra pachaih. Abeipanoh khata Chennai liata hri-ohpa hmôpapua chhipa chyhsa 1,415 y ei ta, henah chhao heta atahmâ duasu liata thohna-O liata 31,896 mohôh haipa ama châ.
Tamil Nadu sawhkhâ ta Chennai nata a chhepâh District 3 zy liata akhawhlôhna a phuahpa he pachyu kaw aw ta, zawpi ahlaihlâna chaipa - taxi zy, auto rickshaw zy nata sawhkhâ mohôhpa a châ leipa zawpi ahlaihlâna châta hmâpa ahluahtheipa rai rai pakhâ khaipa a châ. Zawpizy cha ama yna bia chhôh, km 2 ôna chhôh chyu liana ngâlâhta hmo chalei pasaipa châ ei ta. Thohna-O, laboratory nata thohna daoh zy ngâlâh pahy pasaipa a châ aw.
Bank-zy chhao noh 2 chhôh - Chhiepa noh 29 nata noh 30 liata pahy thei aw ei ta, hriatuhpa zakha liata 33 ngâlâh ama kiah thei aw.
Nohto angiahpa zuana daoh - sâhpiti, âhnalasi nata theilâpa zuana daoh zy, mobile phone peimawhpa zuana daoh tatawpa zy, niebaw zuana daoh zy deikua pahypa châ aw ta. Petrol pump zy chhao my dawh 6 am nata zâlâ dawh 4 pm likah chhôh pahy pasaihpa a châ aw.
No comments