US President châta Rapper Kanye West

American Rapper Kanye West chata biethâh pathlisa heihpa ta, Pachyhzâ khata kô 2020 US President Atlyhna liata â pie hra aw, tahpa a 'twitter' liata a tawhpapua.

West heta "God ngâna chôta America ta bie miah â taihpa cha hlao eima patloh bâ awpa a châ, eima pachâna zy hmaohkha ta pa-ysapa ta, hmaohkha ta eima râh hmialâ daihti paduana rai eima hria aw. United States President atlyhna liata ei duah hra aw," tahpa ta a tawhpapua.

Kanye West heta khahlâ chhao khata US President Atlyhna liata â duah hra aw tahpa biethâh vaw hnei ha heih ta -- atlia tawhna khata Politics kyh liata a chahraoh pathuh via lymâ ha hra ta, Donald Trump nahta chhao ei hluh amâ vaw pakyh ha hra. He hawhta a 'twitter' liata a tawhpapuapa heta biethâh zydua he bie hmeiseihpa a châ na ta pangiasa â chhih ha bâ.