INDIA : Dawh 24 chhôhta Covid-19 hri-ohpa chyhsa 24,850 hmôpapua heih!

Dawh 24 (Pachyhzâ Dawh 8:00Pm taahta Abeipanoh my dawh 8:00Am) chhôhta ta India liata Covid-19 hri ohpa chyhsa 24,850 hmô chhipa châ heih ei ta, hetana heta India râh liata Covid-19 hri-ohpa hmôpapua hapa zydua zie cha 6,73,165 ama tloh ha bâ. He hawhta a châ nota, khizaw pôhpalôhpa liata chyhsa 11,047,217 ta hri he ama kiah ha.

India liata chyhsa hri kiah hapa 6,73,165 hryta chyhsa 2,44,814 mohôh haipa châ ei ta, patlâh hapa 4,09,083 y ei ta, chyhsa 19,268 ama thi ha hra, tahpa Ministry of Health and Family Welfare chata Abeipanoh my ta ama palâsa.

Coronavirus vâta Mexico liata chyhsa 30,000 thi ha ei ta, a thipa hluhna hlâta France ama chhao ha, tahpa Mexico health ministry chata Pachyhnoh khata ama phuah.