US Atlyhna : A tloh awpa sia thei mâh vei - State 4 liata Trump nata Biden duasu

GEORGIA - (16 electoral votes)

Atahmâ duasu : Trump ta hmia a sah hai ta, Biden ta â kaw hnia via lymâ - amâ hliena he 2,000 hlâta a chyh via ha bâ.

Vote khazie rei awpa y bâ : Local official-zy reina dâhta cha Vote 15,000 rachhôh rei mâh leipa a y hai.

Vote rei mâh leipazy he ahy ta hmô hluh via thei aw? : He Vote rei mâh leipazy he *mail-in ballots*, Atlanta nata Savannah tawhta châ via chai ta, Biden ta a hmô hluh via na ta pangiasapa a châ.

PENNSYLVANIA - (20 electoral votes)

Atahmâ duasu : Trump ta hmia a sah hai ta, Biden ta â kaw hnia via ngâhai - Trump ta athaohta nota *Million* ta hmia â sahpa kha Vote 23,000 lâta a hmia a sahna â zâ hnai via ha.

Vote khazie reih mâh leipa y : Secretary of state reipatina liata cha myrâh khata Vote 550,000 rachhôh y chy ta - he tawhta â khophie rachhôh cha rei mâh leipa a y thlâh ha chy thei, a ta.

Ahy ta hmô hluh via thei aw? : Hillary Clinton ta kô 2016 liata a hmô hluh chaina su zy châ ta, Democratic ta ama la hluh via thei aw.

ARIZONA - (11 electoral votes)

Atahmâ duasu : Biden ta Vote 47,000 rachhôhta hmia a sah hai ta - châhrasala Trump ta a kaw chadie via lymâ hra.

Vote khazie rei mâh leipa y chy? : State official zy ta cha Pohbienoh khata Vote 470,000 rachhôh a y chy, tah ei ta - atahmâ duasu liata khazie tlai ma rei mâh leipa y chy, tahpa sia thei mâh vei.

Ahy ta hmô hluh via thei aw? : Atlâhpipa ta Phoenix tawhta châ via chai ta, Biden a pha via thei.

NEVADA - (6 electoral votes)

Atahmâ duasu : Biden ta 12,000 ta hmia â sah hai.

Vote khazie rei mâh leipa y? : Official zy reizie ta cha Ballot 190,000 a y chy.

Ahy hmô hluh via thei aw? : Vote a y chypa zydua tawhta 90% he Clark County (Las Vegas ahlaopa ta) tawhta châ ta, a hluh viapa he *mail-in ballot* a châ hra. He su he Democratic hluhna a châpa vâta Biden hmia a sahna he a pôh via thei hra. He hleikhôta Chutyhnoh heta Ballots 51,000 rachhôh a vaw ngia via awpa a y chypa hawhta, Joe Gloria, Clark County liata Official chata a rei hra.