US President 46-na JOE BIDEN

US Atlyhna cha hâta eikha chhôh tlai Vote reipa a châ tawhta Democratic Party nominee Joe Biden chata Pensylvannia liata pahniena to heihpa ta, US President 46-na châ awpa ta a tlyh patlohpa a châ haw. Biden a tloh ha tahpa he Thâtihthiehpa phuahtuhpa laipa, Associated Press hleikhôta, BBC, Aljazeera nata India Today zy ta ama palâsa.

Kô 77-pa Democratic nominee Joe Biden heta President a châ haipa Republican Donald Trump pahniepa ta, US president atlyhna ziza a sâh kawpa liata a chônô via haw.

Associated Press ta a palâsana liana heta, President duasu patu awpa ta Electoral College Vote â ngiahpa zie, 270 hlâta hluh viapa hmô awpa ta Biden heta Vote ama rei hnôh viana State, amâ chatôh chaina state miakha, Pensylvannia liata pahniena topa ta, Electoral Vote 20 hmô ta, a hmô chiehpa 254 chhaota 274 hmôpa ta President a tloh hapa a châ.

Joe Biden heta Trump nahta amâ chatôh chaina State hropa Arizona, Wisconsin nata Michigan liata zy chhao hmia a sah lymâ ta, he State zy he kô 2016 liata President a châ haipa Trump ta pahniena a tona State zy ama châ.

Kô 2020 US Atlyhna he kô 120 chhôhta US Atlyhna liata vote a tla pha chaina daihti châ ta; Covid-19 vâta âmo pôhpa cheingei ta vote pathla leipa ta, châbyh (Mail-in) ta Vote pathlapa ama hluhpa vâta Vote ama reih parei ngaita kaw. Biethâh nano nanopa chhao hluh ta, zo a chhih tu leipa biethâh chhao a hluh kaw.

US President a châ haipa, Republican Donald Trump chata he thâtih pachhuahpanoh hai no taihna heta, Joe Biden atlyh patlohpa a châna kyh liata alôh thei mâh leipa ta, pahniepa a châ tahpa zawpi hmiakô liata phuah khoh mâh vei

JOE BIDEN PALÔHRUPA

India sawhkhâ ta *Citizenship Amendment Act (CAA)* a taopa zy, Assam liata *NRC* siekheipazy, Kashmir liata *Article 370 phiena kyh* liata India maochhie kaw tuhpa, *Joe Biden* he tloh ha bâ ta, India châta cha y pahâh a chhih tu muarua thlyu vei..

China liata *Uighur Muslim* -nah chô liata China sawhkhâ a pielyuna dâh maochhie kaw tyhpa Biden pyly kha châ ta, China châta chhao â hnykhaw pyly thei aw..

Israel châta chhao Biden he Palestine Muslim-nah ngiachhietuhpa a châpa ta â lâpa vâta, Donald Trump ta Jerusalem kyh liata bietluna a vaw tao hapazy kha Biden heta a vaw panano thlâh h'aw na aw? Palestine nah zy heta Israel he amâ ngâcho via heih na aw!? tahpa chihuna chhao a y thei...

US Atlyhna ziza cha la - Meithei chhaota Vote reina su a ngiahnao a chhuah haipa y ei; Vote reina su kiah liata *Bomb a y* tahpa ta Police vaw pahnosa ngâpa y ei..Lâthlôh a chhih ngâpa y ei..