Lunglei Thohna-O tawhta hawsaihpa noh 4-ta uhtheipa ama paru!

24.01.2021 : Tiperaghat khihpa chakma nôvah saw,  noh 4 rachhôh deita uhtheipa cha, a y haina Lunglei Civil Hospital tawhta Abeipanoh (24.1.2021) my dawh 4 rachhôh khata thohna-O liata a hriapa hawhta a tobipa chyhsa pakha ta a pyh papua ta, he thâtih pachhuahpanoh hai nona heta hmôpa châ mâh vei, tahpa eima biehnawhta a palâsa.

Biehnawhta a palâsana liata he hawsaihpa la papuatuhpa he chanô châ ta, thohna-O liata hriatuhpazy chysia amâ tao tyhpa hawhpa a taopa ta my dawh 4 ta hawsaihpazy palalôhna (SNCU) liata soh awpa hawhta â reihpa ta lapapua ta.  A latuhpa he Mizo reih a cheihpa a châpa hawhta reipa a châ.

Hawsaih a la nona heta a ypâtuhpa ta pazi ta. Hawsaihpa latuhpa heta,  dawh 5 rachhôhta eima vaw soh heih aw, a tahpa hawhta a reih.

Thohna-O liata hriatuhpazy chata Ward Duty pazy ta hawsaih duasu a pha leina daihti liana ngâlâhta SNCU liata Duty pahnosa ta, cha khai tawhta ama la tyhpa hawhta reih ei ta. Atahmâ ta hawsaihpa he a â ta â papuapa châ hrasala, hawsaih pih phapa, rairuna a hnei leipa hawhta ama rei.

He hawsaih leipa kyh liana heta Lunglei Police zy ta a chatlie kawpa ta Investigation taopâ lymâ ei ta. Hawsaih nohthlahpazy hiezawhpa ta, su nano nanopa liata ama hiezawh hra.

Dt 24.1.2021 dawh 4:30Am rachhôhta Civil Hospital Lunglei liata hawsaih a pihpa ( 4 days old) parupa a yna chybia pahno leipa kyh liana heta Lunglei Police Station, Lunglei chata Look Out Notice taopa ta, he hawhna heta pahnosana ama hiezawh :-

1. A moh - none

2.Weight - 3.7kg

3.Complexion - Fair

4. Hair - Black

5. Identification - Birth mark        below the left ankle.

6.Wearing apparels ;- white shirt embroyded with black flower, white sweater long sleeve, warm yellow hat, wrapped with small pink colour blanket.

A hmôpa nata pahnopa maihta Lunglei Police Station - 03722324390,9485414441, 8730096960 liata pahnosa awpa ta amâ haw.