Mizoram : Kô 2019-2020 chhôhta Siaha district-liata motor thiehpa 918 y

Mizoram liata kô 2014-15-liata ahluahtheipa a ypa zie cha 1,51,486 a châ nota, kô 2019-20 liata ahluahtheipa a ypa zie cha 2,69,223 a tloh. Kô 5 chhôhta ahluahtheipa pôhna he 1,17,737 (43.73%) a tloh. Mizoram liata ahluahtheipa a ypa zydua tawhta 1,86,265 (69.18%) cha Aizawl khihpi liata a ypa a châ.

Transport department ta ama ngiana dâhta, 2019-20 chhôhta ahluahtheipa register thiehpa zie cha 31,753 tloh ta, he hryta 20,346 cha Aizawl urban registration a châ. He daihti chhôh pyly heta Lunglei district-liata ahluahtheipa registration thiehpa 2,911 y ta, Siaha district-liata 918, Champhai district-liata 1,493, Kolasib district-liata 1,417, Serchhip district-liata 1,273, Lawngtlai district-liata 1,057, Mamit district-liata 686 nata Aizawl rural-liata 1,652 a y.

Kô 2019-20 chhôh khata Mizoram liata driving license pie papua thiehpa 12,833 y ta, learner license pie papua theihpa 39,369 y ta. 2019-20 taihta Mizoram liata driving license pie papua hapa zie cha 1,97,341 a tloh ha hra.

Aizawl urban-liata 2019-20 taih khata driving license 93,842 pie papuapa y ha ta, Lunglei district-liata 23,731 y ta, Siaha district-liata  5,905 y ta, Champhai district-liata 13,494, Kolasib district-liata 19,902, Serchhip district-liata 17,514, Lawngtlai district-liata 5,266, Mamit district-liata 6,897 nata Aizawl rural-liata 4,338 a y.

Mizoram liata ahluahtheipa duasu: 2019-20

District DTO liata ahluahtheipa rohpangiapa zie

Aizawl urban (MZ-01) – 1,86,265

Lunglei (MZ-02) – 23,731

Siaha (MZ-03) – 5,905

Champhai (MZ-04) – 13,494

Kolasib (MZ-05) – 15,542

Serchhip (MZ-06) – 9,011

Lawngtlai(MZ-07) – 5,043

Mamit (MZ-08) – 6,382

Aizawl rural (MZ-09) – 3,850