Myanmar liata atlyhna eima pachhuahpanoh aw : Myanmar Pheisaih sawhkhâ biephuahtuhpa

Myanmar pheisaih sawhkhâ chata Hriaheihnoh khata Atlyhna pachhuahpanoh aw ei ta, biehneina chhao atlyhna liata sawhkhâna a taopazy ku liata ama hlâ heih aw, tahpa ta, zawpi atlyh patlohpa sawhkhâ ama thy pathlah, tahpa baina nata râh chhihthatuhpazy ama patu tahpa cha baina cha dythapa ta, zawpizy cha buana a taotuhpa nata, tharô a hmâhtuhpa ama châ, ama ta.

Pheisaih sawhkhâ heta târi 1 Hmypi (February) khata sawhkhâ biehneina lapa ta nata sawhkhâ luhpa Aug San Suu Kyi nata mohropazy patu ei ta, he he zawpi ta adyuhpa ta, lâthlôh amâ chhih hapa kha a châ. He hawhta a châ nona heta China chata, Myanmar pheisaihta sawhkhâ ama thy pathlahna kyh liata a hniahni vei, tahpa a rei ngâkaw hra.

Aung San Suu Kyi sawhkhâ ama thy pathlah tawhta Pheihsaih sawhkhâta Press Conference ama hneina hmiatua chaipa liata "Eimâ chhuah chaipa cha atlyhna pachhuahpanohpa ta, a sawhkhâpa Party hnohta biehneina pie awpa he a châ" tahpa ta Brigadier General Zaw Min Tun, Sawhkhâ biephuahtuhpa chata a rei.

Pheisaih sawhkhâ heta khatita ma atlyhna ama pachhuahpanoh aw, tahpa deikua reih leipa ei ta. Zaw Min Tun chata pheisaih sawhkhâ heta biehneina chaba parei aw vei, a ta.

Dawh 2 chhôh daihmâ Press Conference hneipa liana heta “Atlyhna pachhuahpanohpa a châ aw tahpa bie eimâ châ taih ei," tahpa ta, Naypyitaw liata Facebook siepahliepa ta Press Conference hneipa liana heta Zaw Min Tun heta a rei.

Nobel prize chhao a vaw dao hapa Suu Kyi nata Myanmar President patâhpa ama châna kyh hiahrihna cha, Zaw Min Tun chata patâhpa ama châ tahpa cha dythapa ta, âmo abohna châta ama O liata tlao ama ypa a châ hri, a tah.

- NDTV