MYANMAR : NLD MP 1 nata Hlaphithaipa moleipazy ta ama thie!

Pachyhnoh khata Shan State, Myanmar liata National League for Democracy (NLD) MP pakha cha chyhsa ahy tahpa pahno leipazy ta ama thie. Ano he Ayeyarwady Region tawhta NLD MP a tlohpa a châ.

He NLD MP, Sai Kan Nyunt he kô 2020 Phiapi Myanmar Atlyhna liana khata Hsipaw Township, tawhta atlyhpatlohpa châ ta; he hawhta vâduana â tyhna su he Hsipaw tawhta Kho Yaung village, Tangyan Township, lâ khi a tly nota a châ.

A ri a hmôtuhpa ta a reizie liata cha, he NLD MP pôhpa liana heta chaihzô ta ama tlahnaona nata ama tuna hnie hmô awpa a y, a tah. A ri he Tangyan hospital lâ ngaikheipa châ ta. He thâtih pachhuahpanoh hai nona heta liahnycheituhpa he pahnopa châ mâh vei.

Monywa, Sagaing Region, liata chyhsa ahy pahno leipazy ta hlaphithaipa nata chyhsa baotuhpa (Philanthropist) U Sein Win cha mei ta ama raosao. He U Sein Win chô liata hmo rarô-y kawpa he Monywa industrial zone, liata a pahrâpazy châta baona a khei nota a tlôpa châ ta, Chutyhnoh khata a châ. Mo ta hmôtuhpazy ta ama reina liata cha, U Sein Win meita a raotuhpa moleipa heta a hnôhkyh lâ tawhta meiti ta kei baopa ta, a rao thlâh hapa hawhta ama rei. Mei heta a kâ pasa pâ hapa vâta Thohna-O ngaikhei taraw ei ta, a hrona pachha thei khao vei ei.

- IRRAWADY NEWS