China lai lymâ awpa he eimâ dyuhpalie awpa â ngiah : Joe Biden, US President

G7 Pakhypi (Summit) noh 2-na liata US President Joe Biden chata notla râh (Western countries)-zy cha China duasu, hmotaotheina pôh via lymâpa ta adyuhpaliena kyh liata apôhkha/hriaparaoh awpa ta a hrua ei.

Britain liata G7 Pakhypi liana heta, President Biden chata râh hmahsie haipa (Developing Countries)-zy liata China ta hmahsiena raihria châta sôh nata thih a hmâ haipazy adyuhpalie awpa ta hruapa ta, hriaparaohna thlai pachâ awpa ta â haw hra ei.

US nata ahrialâhpazy heta China cha Xinjiang province liata chyhsapa adona tovyuh chôta peihriapa hawhta bai ei ta. He hleikhôna heta G7 chhihthatuhpazy heta hmialâ daihti liata Pasana hri charei thei awpa adyuhna kyh liata ryhraona (Plan) ama tao hra.

He hry liana heta pasana thohna taopapuana kyh liata daihti ryupa pachhohsa via awpa nata Covid-19 amohôhna cha noh 100 hlâta pasih lei viapa ta pachhohsa n’awpa kyhzy â hlao.

He G7 Pakhypi he UK Prime Minister Boris Johnson chata Carbis Bay, Cornwall liata azipa châpa ta pahnie kawpa ta khizaw râh hmotaotheipa 7-luhpazy a vaw khichhai ei.