C.Ronaldo : Râh châta goal khô hluh chaipa 'Record' â kaw kho haw! 'Record' hropa chhao a tao lymâ!

Euro 2020 akhaih haipa liata Cristiano Ronaldo chata France nahta 2-2 ta amâ pahniethaina akhaihna liata Penalty ei 2 ama hmôpa tawhta goal 2 khôpa ta, râh châta goal a khô hluh chaipa châ haipa, Iran footballer, Ali Daei goal khôpa zie 109 â kaw khopa ta, khizaw liata râh châta goal khô hluh chaipa châ theina daihti ryhpaohpa a hnei pha kaw chy.

Iran châta kô 1993 nata 2006 chhôhta goal 109 a khôtuhpa Ali Daei nata Ronaldo-zy he chapaw lâta râh châta goal 90 hlâta hluh viapa a khô theipa a y chhôhpazy ama châ hai.

Ronaldo he World Cup nata European Championships pahlyhpakhypa ta European chyhsa goal khô hluh chaipa châ pâ ta, Goal 19 khôtuhpa German Miroslav Klose ta goal 19 chhaota Record a taopa cha a chhao ha hra.

He hleikhôta târi 15 Chhiepa liata Hungary kao lâta a khôpa khata European Championship thâtih liata goal hluh chaipa châna to heihpa ta, Goal 13 a khô ha tahna a châ.

Kheihawhpa ataopasuana (Tournaments) zy liata Goal a khô?

31 - European Championship qualifiers

31 - World Cup qualifiers

19 - International friendlies

13 - European Championship

7 - World Cups

5 - Uefa Nations League

2 - Confederations Cup

Cristiano Ronaldo goal khôpa â khophie daihmâzy he cha daihti chhâna lâ minute 30 chhôhta a khôpazy ama châ.

Daihti chhâna lâ minute 15 chhôhta goal 31 khô ta, minute 61-na nata minute 75-na likah chhôhta goal 22 zy he a khô.

A goal khôpa hryta goal 89 he amâ khaihlâhpazy goal chaby (box) chhôh tawhta a khôpazy châ ta, goal 20 zy cha box khôtho lâ tawhta. Goal 14 zy cha Penalty tawhta a khôpa ama châ.

Lithuania nata Sweden zy cha Ronaldo goal khôpa a dao hluh chaipa châ ei ta, goal 7 rairie ama dao. Khahlâta a goal dao beih leipa, France chhao ta Ronaldo goal cha Penalty tawhta ama dao ha hra.