A pahrâna O liata Haiti President ama kasao

Haiti President Jovenel Moïse cha atanoh khata a pahrâna O liata ahy pahno leipa Meithei a chabapazy ta tlahnao ei ta, ama thie tahpa Haiti Interim Prime Minister ta a reih.

Interim PM Claude Joseph ta a reina liata cha Haiti Preisdent he Haiti khihpi, Port-au-Prince liata a pahrâna O liata Haiti dawh liata zâlâ dawh 01:00-pa ta Meithei a chabapa, ahy pahno leipazy ta a ngiahnaopa ta, ama thie tahpa a reih.

President lahpinô Martine Moïse chhao he ama tlahnaona liana heta hmah a phaoh hra.

Interim PM Joseph heta Haiti râh ryureina thlai patu pâpa ta, President kasaopa cha peihriana rarô-ypa, chipho hrupazy taozie a châ, tahpa ta a maochhie pâ hra.

Haiti President ama kasao hapa Jovenel Moïse, kô 53 he, President parohpa, Michel Martelly â pabâ tawhta kô 2017, Hmypi thla tawhna khata Haiti President kaw châ ta.

Haiti President rai a hria chhôh heta Moïse he nieparupa ta baina nata, peihriana nata zawpi ta ano kholeina ama palâsa ngâthlâh hapa vâta daihti ru kawpa ry liata a duasu he a vaw patu hnolopa a châ.

Atakô 2021 kôthaona lâ tawhna khata Haiti râh su nano nanopa liata ano kholeina nata, bâh awpa ta ahnawna thata y ta; he hawhta zawpi kholeina nata, palôhtlâhleina palâsana hryta a sie lymâ hai nota, atanoh khata ahy pahnoleipa moleipazy ta ama kasao hapa a châ.

- BBC