MIZORAM : Kô 2021 chhôhta paritheipa vâta chyhsa 33 ama thi ha

Atakô 2021 kô thaona tawhta Khihpa (July) 16, 2021 taihna khata Mizoram liata paritheipa hmâchheipa vâta hrona a pahleipa chyhsa 33 ama y ha.

Excise & Narcotics Department ngiana dâhta atakô chhôhta paritheipa vâta a thipa 33 hryta 30 he chapaw châ ei ta, 3 he chanô ama châ. Paritheipa thohna ama hmâ tyhpa hryta alâluah chaipa cha 'HEROIN' a châ. 

END ta ama ngiana dâhta Mizoram liata paritheipa hmâ chheipa vâta a thipa chyhsa 1,679 y ha ei ta, ama hryta chyhsa 1,483 he chapaw châ ei ta, 196 he chanô ama châ.

Excise & Narcotics Department heta atakô Chhiepa (June) thla chhâna taih khata heroin kg 9.7, ganja kg 101.6, methamphetamine kg 6.9 ama patu ha. Paritheipa phaona châta hmâpa Ahluahtheipa two wheeler 15, LMV 27 nata HMV 1 ama patu ha hra. 

END heta kô 2021 chhôhta sawhkhâ liata chhie (tax) Rs. 39,44,483.00 ama pangia ha hra.