Connor McGregor nata Machine Gun Kelly amâ tu!

Conor McGregor nata Machine Gun Kelly-zy cha 2021 MTV Video Music Awards raina su liata amâ pabua, tahpa Report ta a palâsa.

He kyh liata nohthlahpa nata video thokha hiezawhpa liata â lâna dâhta, McGregor he vaihtuhpazy ta Machine Gun Kelly â chô achhuahpa ta a ku a kaw hiesaw nota ama patu nopa a lâ ta; â chô pasu leipa ta pahnopa a châ.

Video sâkha liata cha kô 33-pa Irish UFC Fighter heta Rapper Kelly, a moh hmeiseihpa Colson Baker he a hmo dopa ti ta a bao pâpa hawhta palâsapa a châ.

TMZ ta ama palâsana liata, he buana heta “Papercuts” hlasatuhpa Kelly ta UFC Fighter Conor McGregor ta bie â chhopa a thei thai leipa tawhta â thaopa hawhta reipa châ ta, McGregor he Rapper Kelly vaihtuhpazy ta ama vaw nâ pâ lymâ ha hra.

Biehnawh miakha ta a reina dâhta cha, McGregor heta Kelly he ama pano ta nohthlah a la awpa ta hrua ta, châhrasala Kelly heta a vaw dythapa vâta he hmo he a tlôpa hawhta ama rei.

He hawhta a châ nona heta, McGregor biephuahtuhpa ta cha : “Conor McGregor heta ahy hmahta nohthlah a lakhei awpa ta hrua tlâ leipa ta, buana kha pathao hra vei. Ahy ma Machine Gun Kelly, he a châ tahpa pahno hra vei.” a tah.

Amâ pabua nona heta Kelly vâ-ianô, Hollywood star Megan Fox chhao a y thlâh ha hra.