C.RONALDO : Râh châta goal khô hluh chaipa a châ haw!
Pakhyzâ liata FIFA World Cup 2022 Qualifier akhaihna liata, Republic of Ireland kao lâ goal 2 khôpa ta, Cristiano Ronaldo cha khizaw liata râh châta goal khô hluh chaipa a châ. Ronaldo heta râh châta a goal 110-na nata goal 111-na he Penalty a pangia khao lei tawhta a khôpazy ama châ.
Kô 36-heta he a goal 2-pazy he a luhta a khôpa rairie châ ta - a penalty chapiepa deikua Ireland kaovaihtuhpa Gavin Bazunu ta a vaw pakhâ.
Khizaw liata goal khô hluh chaipa a châ tyhpa Iran footballer Ali Daei-ta kô 1993 nata 2006 likah liata râh châta goal 109 a vaw khôpa cha Ronaldo heta Euro 2020 liata France ama hmiachhy nota a vaw kho ha ta. Zâhnia ta Republic of Ireland kao lâ goal 2 a khô heih tawhta Ali Daei chhaopa ta, râh châta goal 111 khô theipa a y chhôhpa a châ ha bâ.
No comments