INDIA : Awhsa a chhopa khoh leipa vâta a lahpinô a thie,!

Bhopal: Shandol District, Madhya Pradesh liata paw pakha, kô 40-ta uhtheipa chata a lahpinô, kô 32-pa ta Awhsa a chhopa khoh leipa vâta a thie.

He hmo he Semariyatola khih, Papaundh police station ôna chhôh liata August 23 khata tlôpa ta, a vahpa ta a thie tahpa deikua he liahsa amâ laichadai tawhta ama pahnopapua hapa a châ.

Additional Superintendent of Police (ASP) Mukesh Vaishya chata, "He a lahpinô thietuhpa ta baipa, Kamlesh Kol, he a lahpinô Rambai Kol nahta târi 23 August khata Awhsa chho awpa kyh liata a eichhia ei ta. He hawhta amâ eichhiapa he a vahpa hiehâhpa chata a lahpinô he tho ta a phy hapa a châ." a ta.

A thipa vahpa, Kamlesh Kol he ama patu tawhta bie ama hiahrihpasiana liata â phuahna liata cha, a lahpinô cha Awhsa chhopa awpa ta chho ta; châhrasala a lahpinô heta chhopa khoh leipa ta amâ eichhia tawhta a hiehâhpa ta a lahpinô he tho ta a phy hapa a châ.