Myanmar : Chin State liata Myanmar pheisaihzy ta Achhyna-O mei ta ama rao

Hakha (Chindwin): Myanmar pheisaih chata thapi phiapa ta Chin National Army (CNA) nata Chinland Defense Force (CDF), Chin State liatahpazy tlahnao a chhuahpa ta hmahla pazao lymâ ta, Chin State khihpi Hakha (Mara reihta Hiakha), cha Kalaymyo, Sagaing lâ tawhta a ngiahnao awpa ta pangaipa ta, Mindat khihpi chhao Pauk Town, Magway lâ tawhta â ngiahnao pathao ha hra.

Myanmar pheisaihzy heta Chin State tlahnaona cha “Pathai-pahâna Hmahlana (A clearance operation)” tahpa ta ama reihpa hawhta Pheisaih biepuapa ta a palâsa.

Pohbienohta akana a tlôna su he maw lâta Hakha khihpi nata Falam khih likah lâlai liata châ ta, Chin State chho lâ khihpi miakha, Mindat liata Myanmar pheisaih motor 80 (trucks) a tlô chhi hra. 

HAKHA khihpi kiahta liata a ypa Hniarlawn khih liata akana liata – Chin National Army (CNA) nata Chinland Defense Force (CDF), apakaohpazy ta Pheisaih 5 kasao ei ta. Pheisaihzy heta Hniarlawn khih chyhsa 4 ama patu.

Chin National Organization (CNO), Falam zy cha Falam-Hakha nata Falam-Rih lâlai a chhihpa ta khitlyh lei awpa ta zawpi biesakâvaw ei ta; he he Pakhynohta Myanmar pheisaih motor hluh pi a tlô chhi heihpa vâta a châ. 

Hakha nata Falam likah lâlai liata Myanmar pheisaih nata CDF-CNA apakaohpazy he atanoh khata â ka ei ta. Myanmar pheisaihzy heta Rialti khih, Falam Township liata Krizyhpa Achhyna-O cha mei ta ama rao. Pheisaihzy heta khihsawzy ta amâ râsaipa hmozy hrao ei ta, sahroh vâro tlai ama kasao hra.

Source : Chindwin