Mizoram : Kô 2021 chhôhta HIV hri-ohpa (+ve) 1869 hmôpapuapa ama châ

Mizoram State Aids Control Society (MSACS) ta a ngiana dâh ta, zâkô kô 2021 chhôh khata Mizoram liata HIV +ve hmôpapuapa chyhsa 1,869 y ei ta, cha hryta 230 (1.2%) zy cha nô saw phaohpa ama châ. He hawhta a châ nona heta atlia thla 9 chhôhta Mizoram-liata a saipa ta thisaih piepa (Voluntary blood donation) cha Unit 18,328 (90.19%) a tloh. 

Siaha district-liata chyhsa 1,361 mopadopa tawhta +ve 51 (3.7%) nata nô saw phaohpa mopadopa 1,106 tawhta +ve 9 (0.8%), Serchhip district-liata chyhsa 3,259 mopadopa tawhta +ve 63 (1.9%) nata nô saw phaohpa 1,424 mopadopa tawhta +ve 13 (0.9%) HIV +ve hmôpapuapa ama y.

Mizoram State Aids Control Society (MSACS) ngiana dâh ta, zâkô Nawh-Di (January – December) chhôh khata Mizoram liata District lai chaipa Aizawl district-liata chyhsa 18,535 test –pa tawhta  +ve 974 (5.3%) hmôpapuapa y ei ta, nô saw phaohpa 8,085 mopadopa tawhta +ve 124 (1.5%) hmôpapuapa ama y.

Champhai district-liata chyhsa 4,577 mopadopa tawhta +ve 137 (3.0%) hleikhôta nô saw phaohpa 2,891 tawhta +ve 24 (0.8%) hmôpapuapa ama châ. Kolasib district-liata chyhsa 2,747 mopadopa tawhta +ve 106 (3.9%) nata nô saw phaohpa 1,489 mopadopa tawhta +ve 11 (0.7%). Lawngtlai district-liata chyhsa 2,538 mopadopa tawhta +ve 70 (2.8%) nata nô saw phaohpa mopadopa 1,348 tawhta +ve 9 (0.7%) hmôpapuapa ama châ.

Lunglei district-liata chyhsa 3,825 mopadopa tawhta +ve 179 (4.7%) nata nô saw phaohpa mopadopa 2,146 tawhta +ve 27 (1.3%), Mamit district-liata chyhsa 1,980 mopadopa tawhta +ve 59 (3.0%) nata nô saw phaohpa 1,197 mopadopa tawhta +ve 13 (1.1%) hmôpapuapa ama y.

Source : https://zalen.in/detail/kum-1-chhungin-hivve-1869-hmuchhuak-a-thlawna-thisen-pek-za-a-9010-a-tling