Ukraine : Ama râh pachha awpa ta ama hmotaopa heta palôh a hria kaw na!

Russia ta Ukraine ama tlahnaona hryta palôh hria kawpa hmo hmô awpa y lymâ ta, atahmâ ta eima rei awpa chhao heta palôh a hria ngaita. Ukraine satlia nata laihsa, kyh a pachâ kawpazy cha May thla liata ahnei awpa ta daihti liahsa pasiapa ta amâ hnei n'awpa daihti cha hnabeiseihna a sâh kawpa ta hâ hnolo ei ta, ama mokhâh. Châhrasala, Russia ta ama vaw râh a vaw tlahnao hapa vâta aparaparô kawpa ta ahneipa ta, ama nôvahta ama râh châta Russia adyuh awpa ta amâ hnei noh mylâpa ta, Pheisaih liata amâ ngia pâ ha.

Kô 21-ta uhtheipa Yaryna nata a vâ-iapaw, kô 24-ta uhtheipa Sviatoslav zy heta May liata nôvahta a tao awpa ta biehraih liahsa ha ei ta; châhrasala, Russian President Vladimir Putin ta ama râh cha a vaw tlahnao hapa vâta, ama râh pachha awpa ta ahnei parapa ta, amâ hnei noh mylâpa ta Pheisaih amâ pazao pâ ha hra.

Chutyhnoh khata St Michael Achhyna-O, Golden Domed Monastery, Ukraine khihpi Kyiv liatahpa liata ku a patu ei ta. Ahneina bietaina ama rei tawhta dawh 24 deita a khô hmâ, tahpa liata Ukraine pachhana raihria awpa ta Pheisaih liata amâ ngia pâ ha.