Ukraine buana : Europe liata Nuclear Power Plant lai chaipa Russia ku liata a y haw!

Europe râhhlypi liata Nuclear thatlôna hmâpa ta dôhlatha taopapuana lai chaipa, 'Zaporizhzhia Nuclear Power Plant, Ukraine' liatahpa cha, atanoh Chutyhnoh khata Russia pheisaihzy ta ama tlahnaopa vâta meikâpa a pua, tahpa a kiah liata khihpi Energodar khihpi Mayor ta a reih. He Nuclear Power Plant he Russia ku liata a y hapa hawhta reipa châ ta; he hawhta Nuclear Power Plant tlahnaopa a châpa heta, Nuclear zôh chichhihpa, 'Radiation' a zâpapua aw tahpa vhina lai kaw ta; Nuclear vâta chhiena rarô-y kawpa, kô 1986 liata a tlôpa, 'Chernobyl Nuclear Disaster' hawhpa kha a tlô heih aw, tahpa china a lai kaw.

Ukraine khihpi nano nanopa liata Adyuhna paru via lymâ hai ta, he nona heta Russian nata Ukrainian sawhkhâ vyuhtuapazy cha Pohbienoh khata Brest a ei no n'awpa ta amâ tyupahmaoh heih.

Ukrainian President Volodymyr Zelenskyy chata Ukraine râh cha Russian pheisaihzy ku liata a pao khiahta la, Baltic State-zy cha a pazipa ta a pao heih awpa ama châ, a tah. He hleikhôna heta Zelenskiy heta ano nata Putin-zy ama pôhpa tlaita apakyhna ama hnei awpa cha adyuhna chalihsa awpa ta hmo tao a byuhpa a y chhôhpa a châ, a tah. 

Târi 24 Hmypi, 2022 liata Russia ta Ukraine a tlahnao rakha tawhna khata Ukraine chyhsa maluh 1 million cha Riahpaihpa ta amâ râ ha.