Samaw Marasaw

Ukraine buana noh 6-na : Kharkyiv nata Kyiv khihpi tlahnaona liata chyhsa 10 rachhôh ama thi

Russia ta Ukraine am tlahnaona noh 6-na liata, Russian pheisaihzy ta Ukraine khihpi mianona, Kharkyiv cha meithei nata Rocket zy hmâpa ta tlahnao ei ta. He ama tlahnaona liana heta chyhsa 10 rachhôh nata, mohropa 35 rachhôhta hmah ama phaohpa hawhta Ukraine chata a rei.

He hawhta a châ nona heta Notla râhzy ta Russia cha hrie chhi lymâ ei ta. Google chata Russia sawhkhâ Thâtihthiehpa phiahtuhpa media zy YouTube channel cha a pakhâ aw, a tah ha heih hra. 

Ukraine buana noh 6-na liata hmo a tlôpa alâluahpa thokha :

Hriaheihnoh khata Russian pheisaihzy chata Kharkiv liata 'Freedom Square' cha bomb ta ama tlahnao. He su he Kharkiv liata zawpi maluhzy amâ pohziahna chai tyhpa su a châ. He ama tlahnaona liana heta India achuhaipa pakha, Naveen, ama tahpa a thi.

Ukraine khihpi Kyiv liata cha, Russian pheisaihzy heta TV tower tlahnaopa ta, he vâna heta Ukrainian TV channel-zy cha a bua khai ha. He liana heta chyhsa 5 ta hrona ama pahlei, tahpaAFP ta a palâsa.

No comments