Ukraine : India chyhsa Dawhty achuhaipa pakha a thi

New Delhi: Atanoh (Hriaheihnoh)-ta Ukraine khihpi sânona, Kharkhiv liata Russia ta bomb ta ama tlahnaona liata India achuhaipa pakha, Naveen Shekharappa Gyanagoudar cha vâduachhih kawpa ta a thipa hryta a hlaopa ta; ano he Dawhty achuhaipa (medical student), Karnataka, India liata a pahrâpa a châ.

Russia ta missile ta ama tlahnao nona heta he India achuhaipa he Kharkyiv liata Daoh sâkha liata hmo chalei awpa ta a patlâh hai ta; missile ta ama vaw ka nona heta a hrona pabohsa awpa ta su hropa a ngai hmâ khao leipa a châ.

Naveen heta thina â tyh hlâta liana heta a paw, Shekar Gowda, India liatahpa cha bie a vaw chhopa ta, amâ nyuna su (bunker) liata nie awpa hnei khao leipa ei ta, ti do awpa dâhdei chhao y khao vei, tahpa za chho ta. Amâ nyuna su liana heta ano hleikhôta, Karnataka tawhta Ukraine liata châ a kaw chu hrapa Mohropazy chhao ama y hra, a tah.

Naveen he Kharkiv National Medical University, Kharkyiv, Ukraine liata Dawhty Final Year achuhaipa châ ta. Karnataka liata Haveri khih liata a pahrâpa a châ.

Naveen he Kharkyiv liana heta, Atanohta Russia ta Bomb ta ama tlahnaopa O kiahta liata a pahrâpa a châ.