Ukraine : Chapaw hawti kô 11-pa ta abohna tluapa ta anodeita Km 1400 ta â hlapa Slovakia lâ a sie

 

Ukraine chapaw hawtipa pakha cha, ama râh buana tawhta abohna tluapa ta, anodeita ama râh opa, Slovakia ngaipa ta Km 1400 ta â hlapa lâ a sie.

Ukraine Chho nochhi lâta a ypa, khihpi miakha Zaporozhye liata a pahrâpa chapaw hawti pakha, kô 11-ta uhtheipa cha abohna tluapa ta anodeita Ukraine notla lâta râh a ypa, ama opa râh Slovakia a tlô.

Hriaheihnoh khata Ministry of Internal Affairs of Ukraine chata he chapaw hawtipa thâtih he papuapa ta, chapaw hawtipa heta anodeita siepa ta Slovakia cha a tlâhboh kawpa ta a tlô, tahpa ama phuah.

"He chapaw hawtipa riahphana, chhyuna nata achhuahna paru kawpa heta chyhsa tozy palôh a pahnie ngaita” tahpa ama phuah pâ hra.

He chapaw hawtipa he he hawhta anodeita râhri ngaipa ta, Ukraine opa râh Slovakua lâta a siepa he, a nô nata paw ta pahno ei ta, a nô nata pawzy he Ukraine râh liata ama y awpa â ngiah hapa vâta he hawhna heta ama sawchapawpa he anodeita ama pasiesa hapa a châ.

He chapaw hawtipa he Slovakia a tlô tawhta veiseihpa (volunteers)-zy ta thlai vaw buakheipa ta, nie nata do awpazy ama vaw pie. He chapaw hawtipa he a sie chyta a nô ta a ku liata Phone nuhby ropa ta, he Phone nuhby hmâpa heta Slovakia liata ama chhôhkhanahta ama vaw dy thei ha hrapa a châ.