MARA REIH AONY TLAI HIH

- B. Caleba.

Mara reih Châhnawh(Alphabet) a aony(accents) zy eima pado tua leipa ta cha kheihta e Mara reih aony eima pado thei aw. A,AW,Y he eima parosana dâh chyu a thlie tua rai ei suh u.  Kheihta a aony he eima siekhei hôlô tly? 

A = Â

AW = Aw

Y = Yh

Ô = Ôh

     

He hawhta thokha hluh viapa ta cha aony eima siekhei tyh. Eima Châhnawh, Letter sâkha deipa tlai chhao eima reina dâh a do leipa cha kheihta e Biesâ,Mohchho,Biekawh zy eima reih pado thei aw. MWC (Mara Writers' Club) ta Mara reih a chu n'awpa ta Video ama tao tahpa thâ vaw thei na ta, cha chata eina palysa hmeihseih.Anodeikua, Mara reih a thai lei viapazy pi he thathi viapa châ heih pita, a chu hohpa y heih mapi tahpa pachâna hnei na ta pei ei tah hmeihseih. Mara reih pasaipha pazy ta Video ama taopa eima reih hoh leipa chhao ta, Marapa eima châ hapa vâta  he he chhâ la a chu pasia via tua ei suh u.

Châhnawh (Alphabets) zy parosa n'awpa dâh/Aony(Accent)

A = A

AW = Aw

Y = Y

B = Bi

CH = Chaw

D = Di

E = E(Mongyuh 'A')

F = Efih

H = Eichhih

I = I(Mongyuh 'E')

K = Ke

L = El/ela

M = Em/ema

N = En/ena

NG = Enga/nga

O = O

Ô = Ô

P = Pi

R = Ar/ara

S = Es/esih

T = Ti

U = u 

V = Vi

Z = Ze

Nb: Â = Â

Khi a chó liata ei ropa khi a do chai ngyu vei, anodeikua a siezie nawpa dâh ei reina a châ tahpa rie nama pahno awpa ei khohpa vâta ei vaw ropa a châ. Mara reih he Mara pazy pita reih eima reih hnei chhôhpa châ ta, Khizaw liata eima pahrâ chhôhta he he eima hmâh chy awpa ta Khazohpa ta miah a piepa a châpa vâta pasô pata eima cheih/hmâh lymâ awpa a châ. 

Khazohpa ta miah a piepa Mara reih he a leidia awpa ta pasaih leipa ta, Mara reih he pabohsa thei awpa ta Khazohpa ta eima chó liata ngâna a pahnieh pa vâta, miah a ngâna zy pahno thlâ na chô ta Mara reih he pabohsa chyu suh vy.